362 पटक पढिएको
बाजुरा : बाजुराकाे धार्मीक पर्यटकीय स्थल बडीमालिकाको दर्शन गर्न गएका दुई जनालाई अक्सिजन अभावका कारण विरामी भएपछि मंगलबार नेपाली सेनाको हेलिकप्टर मार्फत उद्धार गरिएको जिल्ला प्रशासन कार्यालय बाजुराले जानकारी दिएको छ ।बडीमालिकाको त्रिवेणी धाममा अक्सिजन अभावका कारण लडेर घाइते भएका कालिकोट जिल्लाका कलापा गाउँपालिका–१ का ३९ वर्षीय धनप्रसाद न्यौपाने र दमको रोगबाट ग्रसित बझाङ्ग जिल्ला जयपृथ्वी नगरपालिका–९ की अन्दाजी ७० वर्षीया झुपु धामीको नेपाली सेनाको एनए ०६१ बेल को हेलिकप्टर मार्फत उद्धार गरिएको जिल्ला प्रहरी कार्यालय बाजुराका प्रहरी नायव उपरिक्षक कविन्द्रसिंह बोहराले जानकारी दिएका छन् ।लडेर घाइते भएका न्यौपानेको टाउकोमा गम्भीर चोट लागेकाले अवस्था चिन्ता जनक रहेको जिल्ला अस्पताल बाजुराले जनाएको छ । भने धामीको अवस्था जिल्ला अस्पताल बाजुरामा उपचारपछि निको भएर फर्काइएको पनि बताइएको छ
धार्मीक त्रिर्थ स्थल बडीमालिकाको दर्शनका लागि गएका उक्त तिर्थयात्री सोमबार दिउँसो २ बजेर ४५ मिनेटमा त्रिवेणी पाटनस्थित खोलामा बेहोस अवस्थामा भेटिएको र न्यौपानेलाई दुर्गाभञ्जन गुल्मले त्रिवेणीमा संचालन गरेको मेडिकल क्याम्पमा ल्याई अक्सिजन सहित प्राथमिक उपचार पछि मंगलबार उद्धार गरेर सुर्खेत लगिएको दुर्गाभञ्जन गुल्म बाजुराले जनाएका छन् ।घाइते भएर बेहोस भएका न्यौपाने बर्वराउने र बेला बेलामा बोल्ने गरेकाले थप उपचारका लागि सुविधा सम्पन्न अस्पताल लैजान पर्ने दुर्गाभञ्जन गुल्मका गुल्मपति सेनानी धर्मेन्द्र बहादुर सिंहले बताएका छन् ।
सोमबार उद्धारका लागि नेपाली सेनाको हेलिकप्टर बडीमालिकाको त्रिवेणी धाममा गएको भएपनि मौसम खरावीका कारण मार्तडीमा राखिएको थियो ।
प्रतिक्रिया
सम्बन्धित खवर
