नयाँ दिल्ली भारत– शुदुरपश्चिमकाे महान पर्व गाैरा र नारीहरुकाे महान चाँड हरितालिका तिजकाे अवसर पार्दै यहि सेप्टेम्वर २४ तारिखका दिन शुदुरपश्चिमेली नेपाली समाज भारत दिल्ली राज्य समितिकाे आयाेजनामा बृहत् साँस्कृतिक कार्यक्रम हुँने भएकाे छ ।

बर्षमा एक पटक आउने चार्डपर्व हर्ष उल्लासका साथ मनाउनका लागि देशभित्र मात्रै नभएर विदेशका विभिन्न ठाउँहरुमा शुभकामना आदानप्रदान देखी विशेष सांस्कृतिक कार्यक्रमको आयोजना गरिएका छन् ।

यसै क्रममा आफ्नो मौलिक कला, संस्कृतिको संरक्षण एवम् संम्बद्धन गर्दै आएको सुदूरपश्चिमेली नेपाली समाज दिल्ली राज्य समितिले पनि दिल्लीमा गौरा तथा तीज विशेष सांस्कृतिक कार्यक्रम २०२३ को आयोजना गरेको छ । जसमा नेपालका चर्चित तथा लोकप्रिय गायक गायिकाहरु सहभागी हुने छन् ।

यस अघि सेप्टेम्बर १० तारिकका दिन तय भएको कार्यक्रम विविध कारणले पछि सर्दै अब सेप्टेम्बर २४ तारिकमा हुने भएको सुदूरपश्चिमेली नेपाली समाज भारत दिल्ली राज्य समितिका अध्यक्ष गणेश दत्त भट्टले जानकारी दिए । हरेक बर्ष जस्तै यस बर्षपनि गौरा तथा तीजको अबसर पारेर विशेष सांस्कृतिक कार्यक्रमको आयोजना गरिएको उनले बताए । कार्यक्रमका लागि सम्पूर्ण तयारीहरु अगाडी बढाएको उनले बताए । यस अघि १० तारिकका लागि तयारी गरिएको भएपनि विविध कारणले दुई हप्ता पछि सारेर सेप्टेम्बर २४ तारिकमा कार्यक्रम हुने भएको उनले बताए ।

जन्मभूमि नेपालमा भएपनि कर्मभूमि भारत भएकाले आफ्नै ठाउँवाट हामीले हाम्रा मौलिक कला, संस्कृतिहरुको जर्गेना गर्न स्थापना गरेको सुदूरपश्चिमेली नेपाली समाज भारतले विभिन्न ठाउँमा जस्तै दिल्लीमा पनि सबै नेपालीहरु एक ठाउमा जम्मा भएर दुख सुख साटासाट गर्नका लागि कार्यक्रम राखेको यसमा सबैलाई उपस्थित भएर सफल पार्नका लागि अध्यक्ष भट्टले आग्रह गरेका छन् ।

उक्त कार्यक्रममा नेपालबाट बहु चर्चित देउडा गायक महेश कुमार आउजी र चर्चित देउडा गायिका रेखा जाेशी आँउने भएका छन। साथै दल्लीमा रहेर कलाकारितामा लागेका अन्य स्थानिय कलाकारहरुकाे पनि वेजाेड साँगितक प्रस्तुति रहने आयाेजकले जनाएकाे छ । कार्यक्रमकाे सञ्चालनका लागि हेमन्ता भट्टराईलाई पनि नेपालबाटै वाेलाईएकाे छ ।

कार्यक्रम नयाँ दिल्ली स्थित गुफावाला मन्दिर शकुरपुर ब्रिटानियाँ चाेक नजिकैकाे सेभन सिज पार्टी हलमा हुने भएकाे छ । कार्यक्रम स्थलमा काेही कुनै दर्षकले मधिरा सेवन गरेर नआउन पनि आयाेजकले आग्रह गरेकाे छ ।