बाजुराः  हिमाली गाउँपालिकाअध्यक्ष गोबिन्द्र बहादुर मल्लले प्रमुख प्रशासकीय अधिकृत जनकलाल चौधरीलाई स्वागत तथा सम्मान गरेका छन।लामो समय देखि हिमाली गाउँपालिकामा निमित्त प्रमुख प्रशासकीय अधिकृतले कामकाज चलाउदै आइरहेका थिए। हाल संघीयमामिला तथा सामान्य प्रशासन मन्त्रालयले पहिलोपटक देशभरिका स्थानीय तहमा प्रमुख प्रशासकीय अधिकृत खटाएको छ। गाउँपालिकामा प्रमुख प्रशासकीय अधिकृत जनकलाल चौधरीलाई पालिकाले स्वागत तथा सम्मान गरेको पालिकाले जनाएको छ।

गाउँपालिकाको कार्यकक्षमा नयाँ आउने अधिकृतलाई पालिका अध्यक्ष तथा गाउँपालिका कर्मचारीहरुले अधिकृतलाई अबिर लगाइ दोसल्ला ओढाएर सम्मान गरेका छन। अहिलेसम्म निमित्त प्रमुख प्रशासकीय अधिकृत भरमा कार्यालय चलाएपनी अब प्रमुख प्रशासकीय अधिकृतबाट काम नियमित हुने बताइएको छ।निमित्त प्रमुख प्रशासकीय अधिकृत राज बहादुर भण्डारी लाई बिदाई गर्दा नयाँ आउने अधिकृत जनकलाल चौधरीलाई पालिका अध्यक्ष मल्ल लगायत अन्य पालिकाका कर्मचारीले भब्य स्वागत तथा सम्मान गरेका छन । अध्यक्ष मल्लले स्वागत सम्मान सहित बाकी कार्यकालको हार्दिक बधाईका साथ शुभकामना समेत दिनुभएको छ ।