339 पटक पढिएको
संगिता तिमिल्सेना/बाजुराःकर्मचारी युनियनको स्थापना दिवसमा बिरामीलाई फलफुल वितरण गरिएको छ । नेपाल निजामाती कर्मचारी युनियनको स्थापना दिवसको अवसरमा बिरामीको स्वास्थ्य लाभको कामना गर्दै जिल्ला अस्पतालका बिरामीलाई फलफुल वितरण गरिएको अध्यक्ष कुल बहादुर रावलले बताएका छन् ।
ऐतिहासिक पृष्ठभूमि पेसागत मर्यादा, कर्मचारी एकता एवं निजामती सेवामा कार्यरत कर्मचारीहरूको वृत्ति विकासका विविध पक्ष व्यवस्थापनसँग सौदावाजीसमेत गरी आफना सदस्यहरूको हकहित प्रर्वद्धन गर्न संगठित नेपाल कर्मचारी युनियनले विभिन्न समयमा कर्मचारीको हकहितका लागि विभिन्न कार्यक्रम गर्दै आएको छ ।
सुदुरपश्चिम प्रदेश सभा सदस्य जुना दानीले फलफुल वितरण गर्दै कार्यक्रमको प्रारम्भ गरेकी थिइन् । नेपाली काँग्रेसका पार्टी उपसभापति पदम बडुवाल, ट्रेड युनियन काँग्रेसका प्रदेश सदस्य पार्वती साँउद, नेविसंघका जिल्ला अध्यक्ष जनक थापा, नेपाल निजामाती कर्मचारी युनियनका पुर्व अध्यक्ष रामचन्द्र यादव, वर्तमान अध्यक्ष कुल बहादुर रावल लगायत नेपाल कर्मचारी युनियनका सदस्यहरुले बिरामीलाई स्वास्थ्य लाभको कामना गर्दै फलफुल वितरण गरेका हुन् ।
