560 पटक पढिएको
बाजुराः बर्षादका कारण अवरुद्ध बनेको मार्तडी कोल्टी सडकखण्ड को बडिमालिका नगरपालिकका वडा नं ७ जिल्ली पहिरो पन्छाए संगै सडकखण्ड एक दुई दिनमै पुन सुचारु हुने भएको छ । जेठको अन्तिम साताबाट अवरुद्ध सडक लामो समयपछि सडकखण्डको पहिरो पन्छाएसंगै सडकखण्ड एक दुई दिनमै संञ्चालनमा ल्याउन सकिने बडिमालिका नगरपालिका वडा नं ७ का वडाअध्यक्ष तथा बडिमालिका नगरपालिका नगरप्रबक्ता धर्मराज पाध्याये बताएका छन । सडकबाट छिटफुट गाडीहरु वारपार गर्न सकिरहेका छन भने भोली अर्थात पर्सिबाट पुर्ण रुपमा यातायातका साधनहरु संञ्चालन गर्न सकिने अध्यक्ष पाध्यायले बताएका छन । सडक मर्मतको काम अस्तिबाटै नै सुरु गरीएको र काम अन्तिम चरण पुगीसकेको अबको एक अर्थात दुई दिन भित्रै सडकखण्ड पुर्ण रुपमा संञ्चालनमा ल्याउन सकिने पनि उहाँले बताएका छन । भौतिक पूर्वाधार विकास कार्यालय साँफे र बडीमालिका नगरपालिकाको सयुक्त सहकार्यमा सडक मर्मत कार्य सुचारु गरिएको पनि उहाँले बताएका छन ।
बडिमालिका ७ को जिल्ली देखि माथि भत्केको सडकखण्ड मर्मत गरि जिल्ली कोल्टी सडक सुचारु भइसकेको छ भने जिल्ली पहिरोको व्यवस्थापन गर्न अबको एक दिन जति लाग्ने भौतिक पूर्वाधार विकास कार्यालय प्रमुख रुद्र बोगटीले बताएका छन् ।कार्यालय प्रमुख बोगटी सहीतको टिम जिल्ला बाजुरा आएको छ । सडकको अवस्था बारे जानकारी लिन पनि बडीमालिका नगरपालिकाका प्रमुख अमर खड्का नेतृत्वको टोली पनि उक्त सडकखण्डमा पुगेको थियो ।बडीमालिका नगरपालिकाले पनि पानी रोकिएसँगै लगत्तै बाटो मर्मत गर्न पहल थालिरहेको थियो ।
जिल्ली पहिरोमा होम पाइप हालेर सडक सुचारु गर्ने तयारी प्राविधिकको टिमले गरेको छ । कालोपत्रेको काम भइरहेको मार्तडी कोल्टी सडक बर्षादको समयमा बन्द हुने गरेको छ । यो पटक पनि बन्द भएको थियो । लामो समयसम्म सडक बन्द हुँदा कोल्टीसम्मको यात्रा पैदल गर्नु पर्ने र बीच बीचमा जीप बदलेर जाँदा महँगो भाडा तिर्नू पर्ने यात्राहरुसँग बाध्यता थियो । बोकेर समान लैजानु परेपछि कोल्टी क्षेत्र लगायत चुथी रजातोली ढम्कने पाण्डुसैनका स्थानीयलाई महँगीको मार समेत खेप्नु परेको थियो ।
लामो समयपछि सडकखण्ड पुन संञ्चालन आउने आशाले जिल्ली बासीहरु हर्षित समेत बनेका छन । सडक चाँडो संञ्चालनमा आए बिद्यालयमा पनि नियमित पढाई संञ्चालन गरीने लक्ष्मी माध्यामिक बिद्यालयका प्रधानाध्यापक लालचन्द्र जैशिले बताउनुभएको छ । सडक संञ्चालनमा ल्याउन पहल समन्वय सहकार्य गर्ने सबैलाई वडाबासीहरुले धन्यबाद समेत ब्यक्त गरेका छन ।
