295 पटक पढिएको
बाजुराः जिल्लामा एक आर्थिक वर्षमा विभिन्न प्रकृतिका ९८ वटा मुद्धा दर्ता भएका छन् । आर्थिक वर्ष २०७९,८० मा जिल्ला प्रहरी कार्यालय बाजुरामा विभिन्न प्रकृतिका ९८ वटा मुद्धा दर्ता भएको तथ्यांक छ । यस्तै बिगत तीन वर्षको तथ्यांक केलाउदा आर्थिक वर्ष २०७७,७८ मा ११८ वटा विभिन्न प्रकृतिका मुद्धा दर्ता भएका छन् भने आर्थिक वर्ष २०७८,७९ मा ९२ वटा मुद्धा दर्ता भएका छन् ।
जिल्ला प्रहरी कार्यालय बाजुराको तथ्यांकअनुसार बाजुरामा यो चालु आर्थिक वर्ष सुरु भए यता मात्रै विभिन्न प्रकृतिका ६ वटा मुद्धा दर्ता भएको देखिएको छ । चालू आर्थिक वर्षा सुरु भए यता शरीर बन्धक १, सवारी अङ्गभङ्ग १, झुण्डी आत्महत्या २ , अभद्र व्यवाहार १ र भवितव्य ज्यानमा १ गरी ६ वटा मुद्धा जिल्ला प्रहरी कार्यालय बाजुरामा दर्ता भएका छन् । अघिल्लो आर्थिक वर्ष २०७९,८० को तथ्यांकअनुसार सबैभन्दा बढी आत्महत्याका घटनाहरु दर्ता भएको पाइएको छ । आर्थिक वर्ष २०७९, ८० मा २२ वटा झुण्डी आत्महत्या गरेका घटनाहरु दर्ता भएका छन् ।
यस्तै आर्थिक वर्ष २०७७,७८ मा १५ वटा आत्महत्याका मुद्धा दर्ता भएका छन् भने आर्थिक वर्ष २०७८,७९ मा ९ वटा मुद्धा दर्ता भएको तथ्यांक छ । चालु आर्थिक वर्ष सुरु भैसकेपछी मात्रै झुण्डी आत्महत्या गरेका दुईवटा मुद्धा दर्ता भएका छन् । यो तथ्यांकअनुसार बाजुरामा झुण्डी आत्महत्या गर्नेको संख्या बढ्दो क्रममा रहेको देखिएको छ । तीन वर्ष यताको तथ्यांक केलाउदा झुन्डी आत्महत्या गर्नेको संख्या ४६ जना पुगेको छ । यो चालु आर्थिक वर्षको दुई महिना नबित्दै २ जनाले आत्महत्या गरेका छन् ।
आत्महत्या गर्नेहरूमा सबैभन्दा बढी किशोरीहरु नै रहेका छ
बाजुरामा एक वर्षमा बाजुरामा ज्यान मार्ने उद्योगको १, जवरजस्ती करणीका ११, जवरजस्ती करणी उद्योगको १, सवारी ज्यान १, आत्महत्या गर्न दुरुत्साहान गर्न नहुने ५, लागू औसध अन्तरगत १, बहु बिवाह ६ अवद्र व्यवाहार गर्न नहुने अन्तरगतका १८ जातीय छुवाछूतका ३ र अन्य विभिन्न प्रकृतिका गरि कुल ९८ वटा मुद्धा दर्ता भएका छन् ।
