232 पटक पढिएको
बाजुराः शिक्षकहरुको आन्दोलनका कारण बाजुराका ५४ हजार बालबालिकाको पढाई प्रभावित भएको छ । शिक्षकहरु आन्दोलित भएपछि बाजुराका सामुदायिक बिद्यालयहरु बन्द गरेपछि बालबालिकाको पढाई प्रभाबित भएको हो । शिक्षकहरु आन्दोलन गर्न काठमाडौंँ गएपछि बिद्यालय पुगेका बिद्यार्थीहरु निराश हुदै घर फर्किएका छन ।सामुदायिक बिद्यालयहरुमा केहि शिक्षकहरु बाहेक कोहि छैनन्। कक्षाकोठामा बिद्यार्थीलाई पढाउन छाडेर देशभरका शिक्षकहरु आन्दोलित हुँदा सामुदायिक बिद्यालयको पठनपाठन ठप्प भएको छ । जिल्ला सदरमुकाम मार्तडी स्थित मालिका मावि, बालमन्दिर लगायत जिल्लाभरका २ सय ३९ सामुदायिक बिद्यालय सुनसान बनेका छन् ।
सरकारले संसदमा प्रस्तुत गरेको विद्यालय शिक्षासम्बन्धी कानुनलाई संसोधन र एकीकरण गर्न बनेको विधेयकविरुद्ध शिक्षक, विद्यालय कर्मचारीहरु आन्दोलित भएका छन । सो प्रस्तावित विद्यालय शिक्ष विधेयकमा १८ बुँदे असहमती राखेर शिक्षक महासंघका् घोषणा अनुसार आन्दालित भएपछि बाजुराका सामुदायिक विद्यालयमा अध्ययनरत ५४ हजार २ सय ३४ विद्यार्थीहरुको पढाई प्रभावित हु्ने भएको छ ।उक्त विधेयकको मस्यौदा आम शिक्षक र विद्यालय कर्मचारीको हित विपरित रहेको निष्कर्ष निकाल्दै बुधबारदेखि सामुदायिक विद्यालयमा कार्यरत शिक्षकहरु आन्दोलित भएका हुन् । शिक्षकहरुले बुधबार नयाँ बानेश्वर क्षेत्रमा प्रदर्शन गरेका थिए भने आज माइतीघरमा धर्ना कार्यकम रहेको जनाइएको छ ।
