75 पटक पढिएको
बाजुराः जिल्लाको बडीमालिका नगरपालिकाले मार्तडी बजारको सडकमा रातिको बेला सवारी साधन र स्थानीयहरुलाई आवतजावत गर्न राखिएको सोलार बत्ती विग्रिएको डेढ वर्षपछि मर्मत गर्न थालिएको छ ।नेपाली काँग्रेसले नेतृत्व गरेको स्थानीय सरकारको पालामा सडकमा सोलार बत्ती बनाएर नियमित भएका करिव सात वटा सोलार सडक बत्ती मर्मत कार्य भइरहेको बडीमालिका नगरपालिकाले जनाएको छ ।
२०७४ को निर्वाचनपछि बनेको स्थानीय सरकार बाहिरिने क्रममा हावाहुरीले टुटफुट भएका र तार सट भएर बत्ती नजल्ले गरेका सोलारको दोस्रो कार्यकालका लागि आएका नगर प्रमुख अमरबहादुर खड्का नेतृत्वको सरकारले डेढ वर्ष सडक सोलार मर्मत कार्य गरेको हो । नेकपा एमालेको बहुमत भएको बडीमालिका नगरपालिकामा सडक छेउमा राखिएका सोलार बत्ती मर्मत हुन सकेका थिएनन् । सोलार बत्ती मर्मत कार्यका लागि डेढ वर्षपछि नगरपालिकाको सहयोग र जिआइजेडको प्राविधिक सहयोगमा विग्रेका सोलार बत्ती मर्मत कार्य सुचारु गरेको नगर प्रमुख अमरबहादुर खड्काले जानकारी दिएका छन् ।
उनले दिएको जानकारी अनुसार सडक छेउमा राखिएका सोलार बत्ती विग्रेकाले मर्मत कार्यमा पनि रकम खर्च बढी हुने भएकाले कम लागतमा मर्मत गर्न सकिने सोलार बत्ती बनाउने कार्य भइरहेको बताए ।स्थानीय पर्वका रुपमा रहेको मार्तडीको अनन्ते पर्वलाई लक्षित गरी नगरपालिकाले वडा नम्बर ८ को डाँडाको सोलार बत्ती पनि मर्मत गर्न लागेको नगर प्रमुख खड्काको भनाई रहेको छ ।मार्तडी बजारको मालिका नमुना माध्यमिक विद्यालयदेखि खुलामञ्च,गौडाडिल र जिल्ला अस्पताल रोडमा रहेका सोलार सडक बत्ती विग्रेका थिए । विग्रेका कतिपय सोलार सडक बत्ती प्राविधिकले मर्मत गरेर संचालनमा आएको र केही सोलार बत्तीमा व्याट्री फेर्नु भएकाले सामान खरिद भइसकेको नगरपालिकाले जनाएको छ ।
