105 पटक पढिएको
बाजुराः जिल्लाको हिमाली गाउँपालिका वडा नम्बर १ विच्छ्याकी २३ वर्षीया कल्पना रोकायाको हेलिकप्टर मार्फत उद्धार गरिएको छ।हिमाली गाउँपालीका को विच्छ्या स्वास्थ्य चौकीमा सुत्केरी भएकी २३ वर्षीया कल्पना रोकायाको रक्तश्राव नरोकिए को र सालनाल नआएर पाठेघरको मुख नै वन्द भएकोले थप उपचारका लागी हेलिकप्टर मार्फत सुर्खेत प्रादेशिक अस्पतालमा पठाएको हिमाली गाउँपालिका स्वास्थ्य शाखा संयोजक राजबहादुर भण्डारीले जानकारी दिएका छन् ।
रोकायाले मंगलबार विहान बच्चा पाएको भएपनि रगत बग्ने नरोकिएको र सालनाल नआएपछि ज्यान जोखिममा परेको हुँदा जिल्ला प्रशासन कार्यलय बाजुरा र राष्ट्रपति महिला उत्थान कार्यक्रमबाट नेपानी सेनाको हेलिकप्टर मार्फत उद्धार गरिएको प्रमुख जिल्ला अधिकारी भिमकान्त पौडेलले जानकारी दिएका छन् ।
