281 पटक पढिएको
बाजुरा — स्थानिय पर्व अनन्ते मेलाको अवसरमा बडिमालिका नगरपालिकाले आइतबार सार्वजनिक बिदा दिएको छ । बाजुरा जिल्लाका विभिन्न स्थान तथा बडिमालिका नगरपालिकामा बढि महत्वका साथ मनाईने स्थानिय पर्वको अवसरमा बिदा दिने निणर्य गरेको हो ।विभिन्न वडामा लाग्ने दशै तिहार पछिको दोस्रो स्थानिय पर्व अनन्ते मेलाको अवसरमा आइतबार नगरपालिका भरीका स्थानिय तह अन्तरगतका सरकारी कार्यालय बिद्यालय तथा संस्थाहरुमा सार्वजनिक बिदा दिइएको नगरपालिकाले जनाएको छ ।
बडिमालिका नगरपालिकाको २८ औँ कार्यपालिका बैठकको निणर्यानुसार नगरभित्रका वडा कार्यालय, स्वास्थ्य संस्था, सामुदायिक तथा संस्थागत विद्यालय लगायत सबैमा सार्वजनिक बिदा हुने नगर प्रवक्ता धर्मराज पाध्यायले बताएका छन । हरेक बर्षको भाद्र शुक्लपुर्णिमाका दिन लाग्ने अनन्ते मेला सदरमुकाम सहितका स्थानमा शुक्रबारबाट अनन्ते मेला सुरु भइसकेको छ ।
३ दिन सम्म लाग्ने अनन्ते मेलाको अन्तिम दिन महत्वपुर्ण मानिने भएका कारण बडिमालिका नगरपालिकाले आइतबार अर्थात भोली सार्बजनिक बिदा दिने घोषणा गरीएको प्रमुख प्रशाशकिय अधिकृत देबेन्द्र सापकोटाको हस्ताक्षेरित सुचनामा भनिएको छ।
