497 पटक पढिएको
मिन बहादुर खड्का, बाजुराः जिल्लामा भुकम्पका कारण ९ घर परिवार विस्थापित भएका छन् । यस्तै दर्जनौं बढी घरहरू जोखिममा रहेका छन् । मंगलवार दिउँसो गएको भुकम्पका कारण बाजुरामा भौतिक रुपमा ठुलो धनजनको क्षेती भएको छ ।
जिल्ला प्रहरी कार्यालय बाजुराका प्रहरी निरीक्षक दानसिंह भण्डारीका अनुसार भुकम्पका कारण बढी क्षती खप्तड छेडेदह गाउँपालिकामा गरेको छ भने बुढीगंगा नगरपालिका र बडीमालिकामा पनि क्षेती गरेको छ । हालसम्म खप्तड छेडेदह गाउँपालिकाका ६ घर र बुढीगंगा नगरपालिकाका ३ घरहरुमा पुर्ण रुपमा क्षेती गरेको र खप्तड छेडेदहका ५ र बुढीगंगाका ३ र बडीमालिकाका २ घरमा आंशिक क्षेती भएको प्रहरी निरीक्षक भण्डारीले बताउनुभयो । यस्तै हिजो दुईजना घाइते भएका थिए । आंशिक रुपमा बाजुराका अधिकांश प्रत्येक गाउँका दर्जनौं घरहरूमा क्षेती पुर्याएको छ । प्रभावित क्षेत्रमा प्रहरीको टोली खटाइएकोले क्षेतीको विवरण आउने क्रम जारी रहेको पनि प्रहरीको भनाई छ । क्षेतीको विवरण संकलन भएपनि हालसम्म भुकम्प पीडित परिवारले राहत भने पाएका छैनन् । कतिपय प्रभावित क्षेत्रमा न त प्रहरीको टोली पुगेको छ नत जनप्रतिनिधि नै पुगेका छन् । हिजो देखि खुला आकाशमुनि प्रभावित परिवारहरु जागाराम बस्न बाध्य छन् ।
जोखिममा रहेको १६ घर परिवारलाई वडा कार्यालय द्वारा त्रीपाल वितरण
खप्तड छेडेदह गाउँपालिका वडा न ३ का १६ घर परिवारका घरहरु पुर्ण रुपमा नभत्किएपनी बढी जोखिममा भएकाले तत्कालका लागि वडाबाट त्रीपाल वितरण गरिएको छ । बढी जोखिममा रहेका घर परिवारहरुले यस अघि बस्दै आएको घर छोडेर पाल टाँगेर बसिरहेका छन् । यस्तै गाउँपालिकाका अन्य ठाउँमा पनि भौतिक रुपमा ठुलो क्षती गरेको छ । घरहरु चर्किएर बस्न नमिल्ने भएर आफुहरु पाल टाँगेर बस्दै आएको भएपनि क्षेतीको विवरणका लागि कोही नआएको स्थानीयको दुखेसो छ । प्रहरीलाई खबर गर्दा पनि आउँन्छौ भनेको तर घटना स्थलमा नपुगेको खप्तड छेडेदह गाउँपालिका ३ का स्थानीय राम बहादुर खड्काले बताउनुभयो ।यता प्रमुख जिल्ला अधिकारी भिमकान्त पौडेलले आज आफै प्रभावित क्षत्रमा पुगेको बताउदै क्षतीको विवरण संकलनका लागि प्रहरीको टोली नपुगेका बाँकी ठाउँहरुमा पठाउने बताउनुभयो ।
