2,128 पटक पढिएको
बाजुरा– लामो समय पछि गायक तथा पत्रकार राम बहादुर दानीले निर्गुनी कली देउडा गीत बजारमा ल्याएका छन । २०६९ सालमा पात झरिगै कुवा गीतबाट आफ्नो साँगितिक यात्रा तय गरेका गायक दानीले ३ दर्जन बढी देउडा तथा दोहोरी गीतहरुमा आवाज दिइ सकेका छन ।
बाजुरा जिल्लाको बडीमालिका नगरपालिका वडा नम्बर १ स्थायी घर भएका गायक दानीले आफैले शब्द संगीत र गीतमा स्वर दिएको यस देउडा गीतमा स्त्री आवाज चर्चित देउडा गायिका गौरी भट्टले दिएकी छन । डोटी जिल्लाको गीरीचौकामा जन्मिनु भएका दिपक थापाको माया प्रेमको कथालाई समेटेर तयार पारिएको यस देउडा गीतमा माया प्रेम र मिलन बिछोडका शब्दहरु कोरिएका छन । निज दिपक थापाको यथार्थ जिवन कथामा सहमति अनुसार यो गीत निर्माण गरिएको गीतका गायक दानी बताउछन ।
बिशेषतः गीत संगीतमा प्राय माया प्रेम, मिलन बिछोड र सुख दुखका कुराहरु समेटेर कथा बनइएको पाइन्छ । यस गीतमा पनि यस्तै कथा बनाइएको छ । साँगीतिक यात्राको क्रमममा ५२ वटा गीतहरुको शब्द संगीत र दुइ दर्जन बढी गीतमा आवाज दिइ सकेका गायक दानी एक कुशल पत्रकारका रुपमा पनि परिचित रहेका छन । करिव १२ बर्ष लामो पत्रकारिताको पनि उनमा अनुभव छ ।
लोकतन्त्र विहानी मिडिया हाउसको प्रस्तुतीमा रहेको यस गीतमा चर्चित मोडेल झरना बोहरा, राजेन्द्र बि.क., अनिल कुमार र सरिता रावतको अभिनय रहेको छ भने गीतको छायाङ्कन अमित बि.क.ले गर्नु भएको छ । यस गीतको निर्देशन राजेन्द्र बि.क. र स्वयम गायक दानीले गरेका छन ।
करिव २२ मिनेट लामो यस देउडा गीतको कथाले वास्तविक माया प्रेम र मिलन बिछोडको चित्रण गरेको छ । २० गते मात्र बजारमा आँउने यो गीत प्राबिधिक समस्याका कारण २१ गते बिहान ५ बजे राम बहादुर दानी युटुवबाट सार्वजनिक भएको छ । यस गीतको सम्पादन राजेश अनुरागले गर्नु भएको छ ।
करिव ३ बर्ष सम्म पनि आफुले गीत बजारमा ल्याँउन नसकेकोले दर्शकहरुले एल्बम बजारमा आँउने बिषयमा रुचि राखेको गायक दानी बताउछन । बिजय थापामगरले म्यूजिक एरेञ्ज गरेको यस गीतको सम्पुर्ण अडियोको काम बिशेष डिजिटल रेकर्डिङ्ग स्टुडियोमा गरिएको हो । यस गीतलाई पनि बिगतका गीतहरु जस्तै दर्शकले मन पराउने गायक दानीको भनाई रहेको छ ।
बिषेश गरी शुदुरपश्चिमको संस्कृति जर्गेनामा लागेका गायक दानीले आफु जस्ता बिधाका गीतहरु गाँउन र शब्द संगीत गर्न सक्ने कुराको दावी गर्दै बिशेष गरी प्रणय भुमीको भाषा कला र संस्कृति जर्गेना गर्न बिषेश गरी देउडा गीतलाई नै प्राथमिकतका साथ माया गरेको उनको भनाई रहेको छ । गायक दानीकै आवाजमा दशै पछि अपतको लाट्या (पाजी भिना) पनि बजारमा आँउने उनले बताएक छन ।
गीतको भिडियो हेर्न तलको लिँकमा क्लिक गर्नु होला ।
