168 पटक पढिएको
बाजुराः एक दिने पारिवाररिक सम्पर्क पुनःस्थापना सम्वन्धि अभिमुखीकरण कार्यक्रम सम्पन्न भएको छ। वैदेशिक रोजगार र तत्कालिन द्धन्द्धकालमा बेपत्ता पारिएका र बेपत्ता भएका परिवारका आफन्तको खोजी गरी परिवारको सम्पर्कमा ल्याउन कार्य गर्दै आएको पारिवारिक सम्पर्क पुनःस्थापना सेवा कार्यक्रमको एक दिने अभिमुखीकरण कार्यक्रम मार्तडीमा सम्पन्न भएको हो । नेपाल रेडक्रस सोसाइटी जिल्ला शाखा बाजुराको आयोजना र केन्द्रीय कायालयको आर्थिक सहयोगमा विपदमा परेर बेपत्ता भएका र वैदेशिक रोजगारीमा विदेशमा गएर सम्पर्क विहिन भएकाहरुको जिल्ला शाखामा निवेदन दर्ता गरेपछि केन्द्र र विदेशका रेडक्रससंग समन्वय गरी उनीहरुलाई खोजी गरेर परिवारसंग मिलन गराउने गरी कार्यक्रम जिल्लामा संचालन गरिने नेपाल रेडक्रस सोसाइटी जिल्ला शाखा बाजुराका मन्त्री टंकप्रसाद न्यौपानेले जानकारी दिनु भएको छ। नेपाल रेडक्रस सोसाइटी बाजुराका शाखाका पदाधिकारी तथा सदस्य र उप शाखाका सभापतिहरुलाई एक दिने अभिमुखीकरण कार्यशाला संचालन गरिएका बताइएको छ।
विपदमा हुँदा उद्धार,राहत र व्यवस्थानाका विषयमा नेपाल रेडक्रस सोसाइटी सुदूरपश्चिम प्रदेशका महासचिव देवबहादुर बोहराले सहजीकरण गर्नुभएको हो । नेपाल रेडक्रस सोसाइटी जिल्ला शाखा बाजुराका सभापति मेखराज जैशीको अध्यक्षतामा सुरु भएको कार्यक्रममा प्रमुख अतिथी प्रमुख जिल्ला अधिकारी भीमकान्त पौडेल रहनु भएको थियो । कार्यक्रममा अतिथी खप्तड छेडेदह गाउँपालिकाका अध्यक्ष दीलबहादुर रावतरहनु भएको थियो । पुर्व सभापति रमबहादुर शाहीले स्वागत मन्तव्य राखेको कार्यक्रमको संचालन रेडक्रस बाजुराका मन्त्री टंकप्रसाद न्यौपानेले गरेका थिए ।कार्यक्रममा ३० बढी सहभागीता रहेको थियो ।
