66 पटक पढिएको
बाजुराः बडीमालिका नगरपालिका वडा न. ६ र ४ का ६०० बढी घरपरिवार ४ दिन देखि अध्यारोमा बस्न बाध्य भएका छन् । गत असोज २१ गतेबाट कोर्दालीगाड लघु जलविद्युत परियोजनाले विद्युत सेवा बन्द गरेपछि स्थानीयहरु अध्यारोमा रात बिताउन बाध्य भएका हुन् । सोही वडा कि अन्दाजी ४५ बर्षीया रेवती बडुवालको गत आइतवार कोर्धको भुकुनी लेकमा बाख्रा चराउन गएका बेला कोर्धाली गाड विद्युतको तार नजिकै रहेकाले हातले समातेपछि करेन्ट लागेर मृत्यु भएका थियो ।बडुवालले विद्युतको तार नजिकै देखेपछि तार हातले समातेपछि करेन्ट लागेर घटनास्थलमै मृत्यु भएको थियो । उनको मृत्यु भएपछि बिद्युत सेवा बन्द गराएको हो । अव्यवस्थित तारहरुका कारण करेन्ट लागेको भन्दै स्थानीयले तत्काल व्यवस्थित गर्न माग गरेपछि सेवा बन्द गरिएको थियो । कोर्दालीगाड लघु जलविद्युत परियोजनाबाट विद्युत उपभोग गर्दै आएका स्थानीयले अध्यारोमा रात बिताउदै आएको चार दिन भैसकेको स्थानीयले बताएका छन् ।
कोर्दालीगाड लघु जलविद्युत परियोजना स्थापना भएको करिब १२ वर्ष भैसकेको छ । ५० किलोवाट क्षेमता भएको उक्त जलविद्युत हाल बडीमालिका नगरपालिकाका वडा न. ४ र ६ का गरी करिब ६०० बढी घरपरिवारले उपभोग गर्दै आएका छन् । विद्युत बन्द भएपछि ६०० बढी घरपरिवार अध्यारोमा बस्न बाध्य भएका छन् । बिगत १२ वर्ष यता निरन्तर विद्युत उपभोग गर्दै आएका स्थानीयहरु एक्कासि बिजुलि बन्द भएपछि मारमा परेका छन् । दुई वटा वडा भित्रका सरकारी कार्यालय तथा बिद्यालयमा समेत समस्या भएको छ ।स्थानीयहरुलाई अध्यारोमा बस्नुपर्ने बाध्यता मात्रै छैन विद्यार्थीहरुको पढाई समेत प्रभावित भएको स्थानीयले बताएका छन् । जथाभावी विद्युतको तारहरु अव्यवस्थित भएपछि घटना घटेको स्थानीयको आरोप छ । यदि पहिला नै अव्यवस्थित तारहरुको व्यवस्थापन भएको भए घटना घट्ने थिएन एक स्थानीयले बताएका छन् । अव्यवस्थित तारहरुको व्यवस्थापन नभएसम्म विद्युत सेवा नियमित सञ्चालन नहुने एक श्रोतले बताएको छ । श्रोतका अनुसार व्यवस्थापन यस अघि पनि पटकपटक तारहरुको व्यवस्थापनका लागि अपिल गरेको भएपनि व्यवस्थापन समितिले ध्यान नदिएको बताइएको छ । अवस्थित तारहरुको व्यवस्थापनमा व्यवस्थापन समितिको च्रम लापरबाही रहेको श्रोतको दाबी छ ।
अव्यवस्थित विद्युतका तारहरुको व्यवस्थापन गरि थप व्यवस्थित ढङ्गले सञ्चालन गर्ने योजना सहित घटना घटेको दिनबाट विद्युत सञ्चालन बन्द गरिएको कोर्दालीगाड लघु जलविद्युत परियोजनाका अध्यक्ष शेर बहादुर दानीले बताएका छन् । यस्तै घटना नदोहोरियोस भन्ने उदेश्यले नै केही दिनलाई विद्युत सेवा बन्द गरिएको उनले बताएका छन् । अव्यवस्थित तारहरुको व्यवस्थापन गर्नका लागि श्रोत व्यवस्थापनका लागि निरन्तर समन्वय र सहकार्य गरिरहेको अध्यक्ष दानीको भनाई छ । उनले भने, केही वर्षातमा पहिरोका कारण पोलहरु हल्लिएर तारहरु लुज भए, त्यसैमा १४ गते गएको भुकम्पले पनि थप क्षती गर्यो अब व्यवस्थित गरेर सञ्चालन गर्ने योजना छ । सेवाग्राहीहरुमा पर्न गएको असुबिधा प्रती क्षमा प्राथी छौँ, अध्यक्ष दानीका अनुसार यहीँ असोज २८ गते छलफलका लागी बैठक समेत बोलाइएको छ । बैठक पश्चात् सबैको सुझाव सल्लाहका आधारमा सञ्चालन गर्ने अध्यक्ष दानीले बताएका छन् ।
