66 पटक पढिएको
मिन बहादुर खड्का, बाजुरा: बडीमालिका नगरपालिका वडा न. १ का वडा अध्यक्ष कृष्ण बहादुर कार्कीले चुनाबका बेला काम गर्न नसक्ने प्रतिबद्धता नगरेको दाबी गरेका छन् । जनता सामु गरेका प्रतिबद्धता अनुसार काम भैरहेको बताउदै अध्यक्ष कार्कीले पूरा गर्न नसक्ने प्रतिबद्धताहरु नगरेको दाबी गरेका हुन् उनले भने हामीले जे कुरा सक्छौं त्यो गर्छौं भनेका हौँ, धेरै ठुला आश्वासन दिएका छैनौ, सकेजती प्रयास गरिरहेका छौँ , भने अनुसारका काम नै कतिपय गर्न सकिएको छैन, हामी पूरा गर्ने प्रयासमा छौँ, वडाको विकासका लागि गर्नुपर्ने र योजना अनुसारको काम नभएको स्वीकार गर्दै आफ्नो कार्यकालमा जनता सन्तुष्ट हुने गरि काम गर्ने बताएका छन् । भने जतिका सबै कुरा पूरा नहोलान तर जनताको चित्त बुझाउने छौँ, उद्धारणीय काम गर्नेछौं, ।
वडाको समग्र विकासका लागि नगर, प्रदेश संघ सरकार संग पनि निरन्तर समन्वय गरिरहेको उनको भनाई छ । वडाबाट योजना छनोट गरेर प्रदेश सरकारमा पुगेको भएपनि सम्बोधन नभएको बताउदै आगामी दिनमा पनि निरन्तर समन्वय गरिरहने बताएका छन् । वडा सरकाले पहिलो प्राथमिकता शिक्षा क्षेत्रलाई दिएको उनले बताए । वडा भित्र रहेका बिद्यालयको शैक्षिक गुणस्तर सुधार गर्न लागिपरेको कार्कीको भनाई छ । यस्तै स्वास्थ्य क्षेत्रमा भएका प्रयासहरुका बिषयमा बोल्दै कार्कीले आफ्नो कार्यकालमा वडाका सबै बस्तीका नागरिकलाई आधारभूत स्वास्थ्य सेवाको पहुँचमा पुर्याउन पहल गर्ने बताएका छन् ।
वडामा सबैभन्दा बढी सल्याना टोलमा खानेपानीको समस्या रहेको बताउदै उक्त समस्या समाधानका लागि निरन्तर समन्वय र सहकार्य गरिरहेको बताएका छन् ।नजिक पानीको मुहान नै नभएकाले पनि समस्या भएको बताउदै उनले समान्य लगानीबाट सम्भव नहुने बताएका छन् । पुजिगत तर्फ २ लाख र चालूतर्फ, १६ लाख बजेट बाट चारवटा योजना सञ्चालन गरि सम्पन्न भैसकेको पनि उनको भनाई छ । अन्य वडाको कृषि, पर्यटन, विद्युत, सिचाइ, सञ्चार , सडक लगायतका पुर्वाधार विकासका फड्को मार्ने गरि काम अगाडि बढाउने पनि उनले बताएका छन् । आफ्नो कार्यकालमा वडा बासी सबैलाई समान व्यवाहार गर्ने उनले बताएका छन् । वडा अध्यक्ष कार्कीले राजनीतिकरण गर्यो भनेर सुन्नुपर्ने दिन आउन नदिने दाबी गरेका छन् ।
