57 पटक पढिएको
मिन बहादुर खड्का, बाजुराः पछिल्लो समयम बाजुरा मासुमा आत्म निर्भर बन्दै गएको छ । जिल्ला बासिका लागि आवस्यक मासु जिल्ला बाहिर आयात गर्नुपर्ने अवस्था नरहेको बरु निर्यात गर्न बाजुरा सफल भएको भेटनरी तथा पशु सेवा बिज्ञ केन्द्र बाजुराका सूचना अधिकारी सिद्धराज जैशीले बताउनुभएको छ । २८०६५ कुल घरदुरी रहेको बाजुरामा कुल यति जनसंख्या १ लाख ३८ हजार ५ सय २३ छ । जस मध्यका करिब ९८।७ प्रतिशत मानिसले हिन्दु धर्म मान्छन् । हिन्दु धर्मावलम्बीहरु प्राय सबैले दशै मनाउन्छन् । वर्षेनी कुल जनसंख्याको २० देखि ४० प्रतिशतले भेडा बोकाको बली दिई दशै मनाउने गरेको भेटनरी तथा पशु सेवा बिज्ञ केन्द्र बाजुराले जनाएको छ ।
बाजुरामा भेडा र थुमाको संख्या २० हजार ८ सय ९० छ भने बाख्रा र बोकाको संख्या ८० हजार ३ सय छ । प्रत्यक वर्षको दशैमा मात्रै ५ हजार देखि ८ हजारको संख्याले खसी बोका, बाख्रा र भेडा काटिने गरेका छन् । वर्षेनी २ हजार बढी भेडाहरु बाहिरिने गरेका छन् । बाजुरामा मासुमा जिल्लालाई आत्मनिर्भर बनाउन थुप्रै प्रयासहरु भएका छन् । कार्यालयले पनि विभिन्न कार्यक्रम सञ्चालन गरेको छ । कार्यालयले व्यावसायिक पशु पालनका लागि अनुदान समेत दिने गरेको सूचना अधिकारी सिद्धराज जैशीले बताउनुभयो ।
कार्यालयको तथ्यांक अनुसार बाजुरामा हाल जिल्ला भर ७५ व्यावसायिक बाख्रा फर्म, ११७ एकीकृत कृषि पशुपन्छी फर्म, १४ कुखुरा फर्म,१२ बगुर फर्म, १६ वटा मासु पसल, र ५ वटा डेरी पसल सञ्चालनमा छन् । हरेक वर्ष बाजुराबाट ८०० देखी १००० बढी भेडा बाख्राहरु जिल्ला बाहिर निर्यात हुने गरेको कार्यालयको दाबी छ । यो वर्ष १८०० निर्यात भैसकेका छन् भने निर्यात हुने क्रम जारी रहेकाले २ हजार बढी जिल्ला बाहिर निर्यात हुने अनुमान गरिएको छ । यस्तै ५ हजार देखी८ हजार बढी भेडा बाख्रा तथा कुखुरा जिल्ला भित्रै हरेक वर्ष बिक्री वितरण हुने गरेको तथ्यांक कार्यालय संग छ । यो आर्थिक वर्षमा २०० राँगा र ५०० बढी खसी बोका काटिने अनुमान गरिएको छ । यो संख्या पछिल्लो समयमा बढ्दो क्रममा छ । यो वर्ष मात्रै यो संख्या ११ प्रतिसतले वृद्धि भएमो कार्यालयका सूचना अधिकारी जैशीले बताउनुभयो ।
यो जिल्लाका लागि सबल पक्ष पनि हो । प्राय दैनिक उपभोग्य बस्तु पनि आयात गरेर उपभोग गर्नुपर्ने बाध्यता छ। जिल्लामा आलु प्याज, टमाटर, जिल्लामा उत्पादन गर्न सकिने बस्तुपनी आयात गर्नुपर्ने स्थिति छ । बाहिरबाट आएको नागरिकले उपभोग गरिरहेका छन् । जिल्लामा प्रयाप्त मात्रामा उत्पादन गर्न सकिने सम्भावना भएपनि उत्पादन गर्न सकिएको अवस्था छैन । तर मासु भने आयात गर्नुपर्ने अवस्था छैन। यसरी हरेक दैनिक उपभोग्य बस्तुमा आफैमा आत्मनिर्भर बनाउन सकिने थुप्रै समभावना छन् । तर ती प्रचुर सम्भावनाको उपयोग गर्न सकिएको छैन ।
