138 पटक पढिएको
बाजुरा: किसानहरुलाई यसवर्ष समयमै गहुँको बिउ वितरण गरिने भएको छ। । अघिल्लो बर्षहरुमा बिउ ढिलो पाउने गुनासो आएकोले यस बर्ष समयमै बिउ कृषकले पाउने गरि पठाई सकेको कृषि ज्ञान केन्द्र बाजुराका सुचना अधिकारी एवम निमित्त कार्यालय प्रमुख मिन प्रशाद जैशी ले जनाकारी दिनु भएको छ। जिल्लाका सबै स्थानिय तहमा किसानलाई ५० प्रतिशत अनुदान र निशुल्क गरि ६ जातको गहुँको बिउ वितरण गरिएको उहाँले बताउनुभयो ।
उहाँका अनुसार कृषि ज्ञान केन्द्र बाजुराले यस बर्ष प्रजनन् बिउ र उन्नत जातको गरि ६ जातका बिउँ कृषकहरुलाई उपलब्ध हुगराउने भएको छ। प्रजनन् बिउ र उन्नत जातको गहुँको बिउ गरी ७५ क्विण्टल बिउ बाजुरामा अनुदानमा ल्याइएको छ। बिउ लैजान चाहने किसानले स्थानीय तहका कृषि शाखाबाटै पाउने गरी एक साता अघि नै पठाई सकेको कृषि ज्ञान केन्द्र बाजुराले जनाएको छ ।गतवर्ष असिनाले बीउ समेत नराखेर गहुँ लगायतको बालीमा क्षति पुर्याएपछि चिन्तित बनेका आटिचौरका कृषकलाई कृषि ज्ञान केन्द्रल बीउ दिएपछि आफूहरुलाई सहज भएको किशानहरुले बताएका छन् । त्यसै गरी स्वामिकार्तिकमा बेमौसमी बर्षाका कारण क्षेती ब्यहोरेका किसानलाई समेत बिउ पठाइसकेको बताइएको छ। समयमै बिउ पाएपछि किसानहरु्र खुसी भएका छन् ।
