427 पटक पढिएको
बाजुराः बडिमालिका नगरपालिका वडा.नं ३ ले बिजयादशमी तथा शुभदिपावलीको अवसरमा बाटो मर्मत संगै शुभकामना आदान प्रदान कार्यक्रमको आयोजना गरेको छ । आज एक कार्यक्रमका बिच वडाले बडादशैको अवसर पार्दै वडाको सेरीदेखि खारगाडासम्मको गोरेटो बाटो मर्मत गरेर शुभकामना आदान प्रदान कार्यक्रम समेत सम्पन्न गरेको छ । सेरीदेखि खारगाडासम्मको गोरेटो बाटो बर्षातको समयमा भतकेको कारण दैनिक गाईबस्तु लगायत मानिसहरुको आजतजावतमा निकै समस्या भइरहेको बेला वडाको संयुक्त उपस्थितमा आज उक्त बाटो मर्मत गरी सहजता ल्याइएको छ । दैनिक हिड्नमा असहजता भएको थियो आज वडा लगायत स्थानियको उपस्थितमा बाटो मर्मत गरी सहजता बनाउन सफल भएका छौ अझै पनि वडाभित्र रहेका हरेक ठाँउहरुमा आफ्नो स्वयम उपस्थित लगायत अन्य वडाका कर्मचारी र स्थानियको सहभागितामा कामहरु संञ्चालन गरीने वडा अध्यक्ष डबल बहादर रोकायाले बताउनुभएको छ ।
वडादशैको अवसरमा यो उदाहरणिय कामले सबैमा खुसी छाएको पनि अध्यक्ष रोकायाले बताएका छन । संगै बिजयादशमी तथा शुभदिपावलीको शुभकामना आदान प्रदान कार्यक्रममा आफ्नो शुभकामना दिदै अध्यक्ष रोकायाले वडाको बिकाशको लागी कहिल्यै पछाडी नहट्ने प्रतिबद्धता समेत जनाउनुभएको छ र सम्पुर्ण वडा बासीहरु लगायत स्वदेश तथा बिदेशमा रहनुभएका नेपाली आमाबुबा दाजुभाई तथा दिदीबहिनीहरुमा दशैले कसैको पनि दशा नल्याओस सबैको घरमा सुख शान्ति छाओस,यो बर्षको दशै तिहार हर्ष उल्लासका साथ बितोस भनेर शुभकामना समेत दिनुभएको छ । शुभकामना आदन प्रदान कार्यक्रममा अन्य ब्यक्तिहरुले पनि आफ्नो आफ्नो शुभकामना दिदै यो बर्षको दशै तिहार राम्रो होस भन्दै शुभकामना दिएका थिए । वडाको आयोजना संञ्चालन गरीएको उक्त शुभकामना आदान प्रदान कार्यक्रमको अध्यक्षता ग्रहण वडाअध्यक्ष डबल बहादुर रोकायाले गर्नुभएको थियो भने कार्यक्रममा पुर्व वडाअध्यक्ष वीर बहादुर रावल,टोल सुधार समितिका पधाधिकारी,वडाका वडासदस्य,लगायत स्थानियहरुको उपस्थित रहेको थियो ।
