316 पटक पढिएको
बाजुराः बडिमालिका नगरपालिका वडा.नं ७ जिल्लीमा बिजयादशमी तथा शुभदिपावलीको अवसरमा देउडा प्रतियोगिता संञ्चालन हुने भएको छ । देउडाको शान सुदुरको पहिचान भन्ने उदेश्यले बिजयादशमी तथा शुभदिपावलीको अवसर पारी देउडा प्रतियोगिता संञ्चालन गर्न लागी कार्यक्रम संयोजक मथुरा राज पण्डितले बताउनुभएको छ । संयोजक पण्डितका अनुसार देउडा सुदुर तथा मध्यपश्चिममा चलिआएको एक प्रचलित खेल भएका कारण देउडाले समाजको प्रतिनिधित्व गर्ने भएकाले अहिलेको समयमा पनि देउडा जस्तो गितलाई लोप हुन नदिन देउडा प्रतियोगिताको आयोजना गरीएको उहाँले बताएका छन । पहिलेको समयभन्दा अहिलेको समयमा देउडा गित लोभ हुदै गइरहेकाले उक्त देउडा गितको जर्गेना गर्नको लागी बडादशैको अवसरमा देउडाको आयोजना गरीएको बताएका छन ।
उक्त देउडा कार्यक्रममा बझाङकी देउडा खेलाडी केशरी बोहरा र बाजुराका चर्चित देउडा खेलाडी शंकर मल्ल बिच घम्साघम्सी देउडा खेल हुने पनि बताइएको छ । देउडा समय अबधिभित्र कोहि कसैले जाँड रक्सि बिक्री तथा सेवन गरेको पाइएमा कानुन बमोनिज कार्वाही गरीने पनि बताइएको छ । साथै चारै किल्लाभित्र मदिराको बिक्री तथा ओसार पसारमा समेत प्रतिबन्ध लगाइएको छ । देउडा प्रतियोगिता यहि कार्तिक ६ गने बडिमालिका ७ जिल्लीमा दिउसो एक बजेबाट सुरु गरीने भएको छ । खेलप्रेमी महानभावहरुलाई उपस्थितको लागी पनि अनुरोध समेत गरीएको छ । सधैजसो बडादशै तथा बिजयादशमीको अवसरमा यो बर्ष पनि देउडा खेलको आयोजना गरीएको जिल्ली युथ क्लबका सचिव उपेन्द्र राज जैशिले बताएका छन ।
