547 पटक पढिएको
बाजुरा – बाजुरामा जारी पाँचौ छेडेदह कप फुटबल प्रतियोगिताको उपाधि त्रिवेणी एफसिले जितेको छ ।आयोजकका अनुसार सेमिफाईनल खेलबाट आयोजकलाई ७(० ले हराउँदै फाईनलमा प्रवेश गरेको त्रिवेणी एफसिले पाँचौ छेडेदह कपको उपाधि जितेको हो ।त्यस्तै आयोजक प्रतियोगिताको उपविजेता बनेको छ ।
हिजो भएको सेमिफाइनल खेलमा कन्सन बाजुरा र रानिवनविचको खेल विवादित बनेपछि आयोजकलाई हराउँदै फाईनलमा प्रवेश गरेको त्रिवेणी एफसिलाई आयोजकले स्वतः प्रतियोगिताको विजेता र आयोजक उपविजेता घोषणा गरेको हो ।सुदूरपश्चिम प्रदेशका आर्थिक मामिला मन्त्री नरेश कुमार शाहीले प्रतियोगिताको विजेता बनेको त्रिवेणी एफसिलाई २ लाख ३५ हजार ३ सय ३५ रूपैया सहित ट्रफी मेडल र प्रमाणपत्र प्रदान गरेका हुन् ।
त्यस्तै उपविजेता बनेको आयोजक लाई १ लाख २५ हजार २ सय २५ रुपैया प्रदान गरिएको छ । यो द्वितिय पुरस्कार भने राष्ट्रिय युवा संघ नेपालका सचिव विनय शाहले व्यक्तिगत रुपमा प्रदान गरेका छन् ।खेलमा उत्कृष्ट गोल किपर त्रिवेणी एफसिका लोकेश चौधरी, सर्वाधिक गोल कर्ता त्रिवेणीकै गणेश धामी, उदयमान खेलाडीमा टिम बडालेखका गोल किपर मिनेश नाथलाई ट्रफी मेडल र प्रमाण दिईएको आयोजकले बताएको छ ।
विजया दशमी तथा शुभदिपावलीको अवसरमा दशैं र तिहारको विचमा प्रत्येक वर्ष क्षेडेदह स्पोट्र्स क्लवले प्रतियोगिताको आयोजना गर्दै आईरहेको छ ।खप्तड छेडेदह गाउँपालिका र ७ नम्बर वडा कार्यालयसँगको सयुक्त सहकार्यमा प्रतियोगिता कार्तिक ११ गतेबाट संचालन भएको थियो ।सुदूरपश्चिम प्रदेशका सांसद जुना दानीले उद्घाटन गरेको प्रतियोगिताको समापन सुदूरपश्चिम प्रदेश सरकारका आर्थिक मामिला मन्त्री नरेश कुमार शाहीले गरेका छन् ।
अर्को वर्ष प्रथम खप्तड छेडेदह गोल्ड कपको आयोजना गर्ने आयोजकले समापन कार्यक्रममा घोषणा गरेको छ । गोल्डकपको प्रथम पुरस्कार ३ लाख १ हजार १ सय र द्वितीय परस्कार २ लाख १ हजार १ सय प्रदान गरिने छ ।
