बिपत्ती कुनै बाजा बजाएर आँउदैन,जुनसुकै बेला पनि दुनिया ध्वस्त पार्न सक्छ । यस्ता बिपत्तीबाट हामीले सजगता अपनाउन जरुरी देखिन्छ ।भु भनेको पृथ्वी कम्प भनेको हल्लनु (पृथ्वी हल्लनु नै भुकम्प हो) 

भुकम्प सम्बधि उत्कृष्ट ८ वटा मुक्तकहरु

१ः भुकम्पले गर्दा आज घर कस्तो भयो ।
फेरि आउने हो कि मनमा डर कस्तो भयो ।
चारैतिर सन्नाटा छायो,हावाहुरि चल्यो,
हेरन गाउँ अनि शहर कस्तो भयो ।।

२ः ठुलाठुला घरहरु ढलायो के गर्नु ।
कतिपयका लाशहरु जलायो के गर्नु ।
नत बस्ने ठाउँ छ नत खानेकुरा,
चारैतिर हावाहुरि चलायो के गर्नु ।।

३ः भुकम्पले सतायो आँखा ओभानो भयन ।
चिसोमा रात काटियो बस्नको लागि छानो भयन ।
भएको जति सबै भुकम्पले पुरिदियो,
खानको लागि पनि एकमुठि मानो भयन ।।

४ः कयौं मानिसको सातो खाएर जान्छ ।
हजारौ बस्तिमा दुःख पीडा लगाएर जान्छ ।
समाज,शहर सबै निस्तब्ध बनाई,
आफ्नो अस्तित्व जमाएर जान्छ ।।

५ःभुकम्पले आज यहाँ रुनु बनायो ।
दुखैदुख आँसुले मुख धुनु बनायो ।
अरु के नै बाकि राख्यो र जिन्दगिमा,
वेदनाको भित्री तस्विर छुनु बनायो ।।

६ःकतिका सिन्दुर पुछिए कति टुहुरा भय भुकम्पले गर्दा।
कयौं घाईते भए कयौंले ज्यान गुमाए भुकम्पले गर्दा ।
हातमुखमा चोट लागेका छन रगत बगिरहेछ,
पिडैपिडामा दुखहरु सय भुकम्पले गर्दा ।

७ः घर ढलाउछ साराको ज्यान लिएर जान्छ ।
खप्पि नसक्नु पीडा दिएर जान्छ ।
त्यसैले पो शक्तिशाली भयजस्तो छ ,
दुनियाको रगत पिएर जान्छ ।

८ः सचेत भयर बस भुकम्प आउन सक्छ ।
निको भएको घाउमा फेरि मलम लगाउन सक्छ ।
सबै भुकम्पको पिडामा छट्पटाईरहेको छन,
यस्तो बेला कुन निर्दयी रमाउन सक्छ ।

गोबिन्द्र राज तिमिल्सेना (कुशुम कान्छो)