130 पटक पढिएको
बाजुरा असाढ १ गते २०७८– जिल्लाको त्रिवेणी नगरपालिकामा अविरल वर्षासंगै किम्नी खोलामा आएको बाढीले बगाउँदा एक बालक बेपत्ता भएका छन् ।
बेपत्ता हुनेमा सोही नगरपालिका–५ किम्नीका स्थानीय घुरे बुढाका १३ वर्षीय छोरा कमल बुढा रहेको जिल्ला प्रहरी कार्यालय बााजुराले जानकारी दिएको छ ।
जिल्ला प्रहरी कार्यालय बाजुराका प्रहरी निरिक्षक धनदेव साउँदलु्े लोकतन्त्र बिहानी न्युजलाइ दिएको जानकारी अनुसार गाउँ नजिकै रहेको किम्नी खोलामा लगातारको बर्षा संगै आएको बाढीले सोमबार विहान बुढालाई खोलाले बगाएर बेपत्ता बनाएको थियो ।
बेपत्ता भएका बालकको खोजी कार्य भइरहेको प्रहरी निरिक्षक साउँदले बताएका छन् ।
बेपत्ता भएका बालकको खोजीका लागि प्रहरी चौकीबाट टोली घटनास्थल गएको छ । घटनाको विस्तृत जानकारी लिन खोज्दा घटनास्थलमा खटिएको प्रहरी टोलीसंग सम्पर्क हुन भने नसकेको जिल्ला प्रहरी कार्यालय बाजुराका प्रहरी निरिक्षक धनदेव साउँदले जानकारी दिए ।
