713 पटक पढिएको
बाजुरा – जिल्लाको पुर्वि उत्तरी भेगमा रहेको हिमाली गाउँपालिका ६ धुलाचौर नजिकै बोलेरो जीप दुर्घटना भएको छ । बिहिवार धुलाचौरबाट कोल्टीतर्फ आउँदै गरेको लु १ ज ४८२९ नम्बरको बोलेरो जीप धुलाचौर बजार नजिकै दुर्घटना भएको हो । उक्त बोलेरो जीपमा चालकसहित चार जना सवार रहेका थिए ।बोलेरो जीप दुर्घटना हुँदा एक जनाको मृत्यु भएको छ भने तिन जना समान्य घाइते भएको जिल्ला प्रहरी कार्यालय बाजुराले जनाएको छ । मृत्यु हुनेमा मुगु जिल्लाको खत्याड गाउँपालिका ९ का अन्दाजी सत्ताईस,अठ्ठाइस बर्षका मदन सार्की रहेको जिल्ला प्रहरी कार्यालय बाजुराका प्रहरी निरीक्षक किशोरसिंह ऐरीले जानकारी दिनुभएको छ ।
उनलाई उपचारका लागि कोल्टी प्राथमिक स्वास्थ्य चौकीमा पुर्याइएको र त्यस लगत्तै अस्पतालले मृत घोषणा गरेको प्रहरी निरीक्षक ऐरीले बताए । त्यस्तै जीपमा सवार जिल्लाको गौमुल गाउँपालिका ३ का अन्दाजी १८ बर्षका बसन्त धामी, स्वामिकातिर्क खापर गाँउपालिका वडा.नं. १ का निरज बि.क र चालक मुगुको खत्याड गाँउपालिका ९ का दल कुमार लावड घाइते भएका छन । घाइतेकाे अवस्था सामान्य रहेको प्रहरी निरीक्षक ऐरीले बताए । जीप चालक खत्याड गाउँपालिका ९ का दल बहादुर लावणलाई प्रहरीको नियन्त्रण लिइसकेको र घटनाको थप अनुसन्धान भइरहेको प्रहरीले जनाएको छ ।
