320 पटक पढिएको
बाजुराः नेपाल ट्रेड युनियन केन्द्र द्धारा स्थापना गरीएको सहयोग कोषको सुरुवात बाजुराबाट सुरु भएको छ । नेपाल ट्रेड युनियन काँंग्रेस बाजुराले शुक्रबार मार्तडीमा कार्यक्रमको आयोजना गरी नेपाल ट्रेड युनियन केन्द्र द्धारा स्थापित सहयोग कोषमा जाजारकोट र रुकुम पश्चिमका भुकम्प पिडितको लागी उक्त राहत कोषमा प्रति सदस्य न्युनतम रु.१ का दरले नगद जम्मा हुने गरी १३५१ रुपैया जम्मा गरीएको छ । नेपाल ट्रेड युनियनको केन्द्र द्धारा स्थापित सहयोग कोषमा रकम जम्मा गरी जिल्ला बाजुराबाट सुरुवात गरीएको छ । नेपाल ट्रेड युनियनले बेलाबेला आपतमा परेकाहरुको लागी राहत स्वरुप सहयोग कोषमा रकम जम्मा गर्दै आइरहेको छ ।
नेपाल ट्रेड युनियन बाजुराका अध्यक्ष चक्र थापाको अध्यक्षतमा संञ्चालन भएको कार्यक्रमको प्रमुख अतिथि नेपाली काँंग्रेस बाजुराका सभापति रामसिँह रावल रहनु भएको थियो । उक्त कार्यक्रममा नेपाली काँंग्रेस महासमिति सदस्य एवम् सुदुरपश्चिम प्रदेश सभा सदस्य माननिय जुना दानी,नेपाली काँंग्रेस बाजुराका सचिव तथा स्वार्मिकार्तिक गाँउपालिकाका अध्यक्ष भरत बहादुर रोकाया,नेपाली काँग्रेस बडिमालिका नगर सभापति गोपाल कार्कि,नेपाल शिक्षक संघ सचिव विपिन बिष्ट,नेपाल बिद्यार्थी संघ केन्द्रीय सदस्य भरत बुढा,नेपाल बिद्यार्थी संघ जिल्ला अध्यक्ष जनक थापा,नेपाल ट्रेड युनियन बाजुरा सचिव मथुराराज पण्डित,नेपाल प्रेस युनियन जिल्ला उपाअध्यक्ष जय बहादुर रावत,युनियन कोषध्यक्ष जनक बोहरा,आधिकारीक ट्रेड युनियन,सार्वजनिक सेवा कर्मचारी संघ,स्वास्थ्यकर्मि,उद्योगी,ब्यापारी,स्थानिय तहका कर्मचारी लगायत स्थानियहरुको उपस्थित रहेको थियो ।
कार्यक्रमका बोल्दै कार्यक्रममा प्रमुख अतिथि तथा नेपाली काँग्रेस बाजुराका सभापति रामसिँह रावलले यो कार्यक्रमले आत्मकेन्द्रित समाजमा मानविय भावना जगाउन महत्वपुर्ण भुमिका खेल्ने बताउनुभएको छ । भुकम्पबाट प्रभावितहरुको लागी केन्द्रद्धारा स्थापित सहयोग कोषबाट जम्मा भएको रकमले उक्त भुकम्पपिडितहरुको घाउमा मलम लगाउन सहयोग पुग्ने पनि सभापति रावलले बताएका छन । पुनः पनि यस्तै प्रकारका कार्य नेपाल ट्रेड युनियनले गर्दै जाओस,दुखमा परेका पिडितहरुको लागी सहयोगको साहार बनोस भनेर शुभकामना समेत दिनुभएको थियो ।
