664 पटक पढिएको
गाेेबिन्द्र राज तिमिल्सेना बाजुराः जिल्लाको स्वामिकार्तिक खापर गाँउपालिका वडा.नम्बर ४ मा जन्मनु भएका बिगत करिब एक दशकदेखि पत्रकारीता पेशामा आबद्ध पत्रकार तथा शिक्षक नहकुल जोशिको पहिलो उपन्यास (नाजवाफ) को यहि मंसिर २४ गते अर्थात भोली आइतबारका दिन बिमोचन हुने भएको छ । बिगत लामो समयदेखि पत्रकारीता तथा लेखन क्षेत्रमा कटिबद्ध रहेका जोशिको उपन्यास नाजवाफ को बिमोचन हुने भएको छ । उक्त उपन्यास बजारमा आइसकेको छ भने उक्त उपन्यास मात्र ४३० रुपैयामा किन्न सकिने भएको छ । बाजुरा जस्तो बिकट ठाँउमा जन्मेर आफ्नो लेखन क्षेत्रलाई बलियो पार्दै लामो समयको अथक प्रयास पछि उहाँले आफ्नो पहिलो तथा नँया उपन्यास (नाजवाफ) बजारमा ल्याउन सफल भएका छन ।
सानै उमेरमा रचना सिर्जना गर्न,तथा लेखन क्षेत्रमा पोख्त जोशि बाल्यकालमा अन्य लेखकका नँया नँया पुस्तक पढ्ने,आफै रचना कोर्न प्रयास गर्ने एक अशल,इमान्दारीर कर्मठ ब्यक्ति हुन । यदि सानै उमेरमा यो क्षेत्रप्रति खासै लगाफ नभएको भए सायद जोशिले यो सफलता प्राप्त गर्न सक्नुहुन्न थियो । तर सानैबाट मिहिनेत गरेर अहिले उहाँ सफल हुनुभएको छ । परिश्रमको फल मिठो हुन्छ भन्ने उदेश्यलाई आत्मसाथ गर्दै जिवनको जस्तोसुकै परिस्थितीमा पनि हार नखाई लेखन क्षेत्रलाई अगाडी बढाएका उहाँले बास्तवमा एक असल उपन्यासकारको रुपमा आफुलाई स्थापित गरेका छन । उपन्यास कोर्न सायद जो कोहिले सक्दैनन जसले लेखन क्षेत्रलाई निरन्तरता दिन सक्छ, जसले अथक प्रयास गर्न सक्छ त्यस ब्यक्तिले मात्रै उपन्यास रचना गर्न सक्छ जसको उदाहरणको रुपमा जोशिलाई लिन सकिन्छ । पेशाको हिसाबले जोशि शिक्षक भएता पनि करिब एक दशक देखि पत्रकारीता क्षेत्रको उहाँमा ठुलो अनुभव रहेको छ । जिल्लामा संञ्चालित बिभिन्न मिडिया तथा रेडियोमा आबद्ध भएर काम गरीसकेका छन । जिल्ला सदरमुकाम मार्तडीमा रहेको रेडियो पौरखी ९०.४ मेगाहर्जमा पनि उहाँले लामो समयसम्म समाचार प्रमुख संगै मेनेजर भएर काम गरीसकेका छन । भने अहिले उहाँ बुढीनन्दा नगरपालिकामा रहेको रेडियो बुढीनन्दामा स्टेशन मेनेजरको रुपमा काम गरीरहेका छन । साथै बिद्यालयहरुमा शिक्षण समेत गराई रहेका छन ।
एम.ए.एम.एडको पढाई गरेका जोशिले कबिता र गजल बिद्यामा समेत कलम चलाउने गरेका छन । त्यतिमात्रै नभई आवाजबिहिनका आवाजहरु उठान गर्नको निमित्त जोशि सधै लागी परेका हुन्छन् ।तिनै अशल,कर्मठ शिक्षक तथा पत्रकार जोशिको उपन्यास (नाजवाफ) भाेली दिउसो १ बजे बिमोचन हुने भएको छ । सुदुरपश्चिम प्रदेशका प्रदेश प्रमुख देवराज जोशिको प्रमुख आतिथ्यमा उहाँकै कार्यालयमा उपन्यासको बिमोचन हुन लागेको बिमोचन कार्यक्रमको आयोजक रहेकाे सुनन्दा मिडिया हाउसले जानकारी दिएको छ । उक्त उपन्यास बिमोचन कार्यक्रमलाई भब्यताका साथ सम्पन्न गर्नको लागी सबैको उपस्थितको लागी पनि आयोजक सुनन्दा मिडिया हाउसले अनुरोध गरेको छ ।
