418 पटक पढिएको
बाजुराः जिल्लाको पुर्वि उत्तरी भेगमा रहेको हिमाली गाउँपालिकामा एक दिने आधारभूत प्राथमिक उपचार तालिम सम्पन्न भएको छ। ईन्टरनेशनल नेपाल फेलोशिप (INF) सामुदायिक चिकित्सक (OUTRICH) परियोजना हरियो खर्क अस्पताल पोखराका विशेषज्ञ डाक्टर तथा हिमाली गाउँपालिकाको समन्वयमा गाउँपालिकाका स्वास्थ सेवाका प्रमुख तथा बिधालयका प्रधानाध्यापक र सुरक्षाकर्मीहरुलाई महत्त्वपूर्ण तालिम दिएर सम्पन्न गरीएको छ ।
तालिममा अचानक हुने दुर्घटना परेका मान्छेलाई उद्धार कसरी गर्ने भन्ने बिषयमा जानकारी गराईएको थियो । गाडी दुर्घटना, रुख बाट खसेको मान्छे र आकस्मिक मेरुदण्ड समस्या परेका व्यक्तिको सर्वसाधारण सजिलोसँग गर्न सकिने सुझाव विषयक छलफल गरिएको बताइएको छ । आकस्मिक घटनामा परेरका घाइतेको जाँच योजना प्रारम्भिक र शारीरिक जाच कसरी गर्ने भन्ने बिषयमा पनि तालीममा सिकाइएको हिकाली गाँउपालिकाले जनाएको छ । कार्यक्रममा हरेक दुर्घटनामा परि घाइते भएका ब्यक्तिहरुको प्राथामिक उपचार कसरी गर्न सकिन्छ,भन्ने बारेमा पनि जानकारी गराईएको गाँउपालिकाले जनाएको छ ।
