218 पटक पढिएको
बाजुरा —दशै तिहार सकिएको दुई महिना बितिसक्दा पनि जिल्लाका ग्रामिण सडकहरु अझै खुल्न सकेनन् छैनन् । जिल्लाका अधिकांश स्थानिय तहका ग्रामिण सडकहरु दशै तिहार सकिएको दुई महिना बढि बितिसक्दा पनि अहिलेसम्म खुल्न सकिरहेका छैनन् । बर्षातमा अवरुद्ध भएका जिल्लाका विभिन्न ठाउँका ग्रामिण सडक पौष महिना लागीसक्दा पनि अझै संञ्चालनमा भने आउन सकिरहेका छैनन्।
जिल्लाका विभिन्न ठाउँका बजारबाट गाउँसम्म जाने ग्रामिण सडक अहिलेसम्म नखुल्दा आवत जावत तथा दैनिक उपभोग्य सामान ढुवानी गर्न सास्ती भइरहेको स्थानियहरुले गुनासो गरेका छन । जिल्लाको बल्दे आटिचौर जोड्ने सडकमा बर्षाले कतै भत्काएको छ भने जताततै खाल्डा खुल्डी परेकोले दुर्घटनाको जाखिम रहेको सवारी चालकहरुले बताउने गरेका छन ।त्यस्तै बुढिगंगा नगरपालिका ९ का ग्रामिण सडकहरुमा पनि बर्षाले चारैतिर भत्काएको र खाल्डाखुल्डी पारेको हुँदा उक्त खाल्डाखुल्डी अहिलेसम्म पनि नपुर्दा भत्किएका स्थानमा मर्मत नहुँदा समस्या भइरहेको त्यँहाका स्थानियहरुले बताएका छन । वडा कार्यालय हुदै भराडा गाउँ, बदेडा हुदै जयवागेश्वरीसम्म र कुवागडा बयालचाका किमुगाउँ हुदै देवलसैन जाने सडक र त्यहिबाट त्रिशक्ती सम्मको सडकका खाल्डा खुल्डी नपुरेकाले सवारी सञ्चालन तथा आवत जावतमा समस्या भइरहेको स्थानियहरु बताउने गरेका छन ।
यस्तै जिल्लाका अन्य स्थानियतह हरुमा पनि यस्तै समस्या चलिरहेको छ । जिल्लाको खप्तड,गौमुल,बडिमालिका,स्वामिकार्तिक,जगन्नाथ,त्रिबेणी लगायत अन्य ठाँउका ग्रामिण सडकहरु अहिलेसम्म पनि मर्मत नहँदा सवारी साधन चलाउन तथा दैनिक आवताजावत गर्न निकै समस्या परीरहेको स्थानियहरुले बताउने गरेका छन। ग्रामिण सडकहरु बर्षातले अवरुद्ध भएर विभिन्न ठाउँमा स्थानियहरुले आफैं बनाएर कहिले काहिँ सावारी चल्ने भए पनि सहज रुपमा भने सञ्चालन नहुने गरेको स्थानियबासीहरुको भनाई रहेको छ ।बिभिन्न स्थानिय तहका ग्रामिण सडकहरुको चाँडो मर्मत गरी दैनिक आवतजावतमा सहज पुर्याउन बिभिन्न स्थानियतहका नागरीकहरुले पालिकासंग माग गरीरहेका छन ।
प्रतिक्रिया
सम्बन्धित खवर
