1,236 पटक पढिएको
बाजुरा- शुदुरपश्चिम प्रदेश सरकारका भौतिक पुर्वाधार मन्त्री प्रकाश देउवाले मार्तडी-थामलेख सडक खण्डको भौनेरा पक्की पुलको शिलान्यास गर्नु भएको छ । शुक्रबार मात्र जिल्लाको भौनेरामा पुलको शिलान्यास गरिएको हो । औपचारिक रुपमा भएको पुल शिलान्यास कार्यक्रमको प्रमुख अतिथी मन्त्री देउवा रहनु भएको थियो ।
शुदुरपश्चिम प्रदेश भौतिक योजना तथा निर्माण मन्त्रलयबाट बजेट बिनियोजन भई पुलको शिलान्यास गरिएको हो । उक्त पुलको निर्माण कार्यको जिम्मा एल के विल्डर्स निर्माण कम्पनीले लिएको छ भने उक्त पुल निर्माणको ठेक्का चक्र शाहले जिम्मा लिएको औपचारिक शिलान्यास कार्यक्रमबाट जानकारी भएको छ ।
उक्त सडक पुल निर्माणका लागि पुर्वाधार उवादात कार्यालय साँफेबगरले गत बर्षको आर्थिक बर्षमा बोल पत्र आबाहान गरेको थियो । सोहि अनुरुप शुक्रबार मात्र उक्त पुलको शिलान्यास गरिएको हो । चालू आर्थिक बर्षमा २ करोड बजेट निकासाको सम्झौता भईसकेको पनि कार्यक्रमबाट जानकारी प्राप्त भएकाे छ ।
उक्त पुलको कुल बजेट १० करोड १५ लाख रहेको छ भने भौनेरा सडक पुलको निर्माण कार्य २०८२ साल असाढ १५ गते सम्पन्न गर्ने गरि सम्झौता भएको छ ।
औपचारिक कार्यक्रममा बडीमालिका नगरपालिका वडा नम्बर २ का वडा अध्यक्ष डम्मर महतले स्वागत मन्तब्य राख्नु भएको थियो । मन्त्री देउवाले नारिवल फुटाएर शिलान्यास गर्नु भएको थियो भने डोजर सँचालन गरि बिधिवत रुपमा शिलान्यास भएको हो । औपचारिक कार्यक्रमा वडा नम्बर १ का वडा अध्यक्ष कृष्ण बहादुर कार्की, जलस्रोत तथा सिचाई डिभिजन साँफेबगरकाका प्रमुख नवराज जोशी , नेपाली काँग्रेसका नेता चक्र शाह, उमा रोकाया, तारा रोकाया, गोपाल कार्की लगायतका राजनितिक खलका नेताहरुको उपस्थििति रहेको थियो । सडक पुलको पुजापाठ गरेर विधिवत रुपमा शिलान्यास गरिएको हो ।
पुलको विधिवत शिलान्यास पछि प्रमुख अतिथी मन्त्री देउवाले तोकिएको समयमा पुलको निर्माण कार्य सम्पन्न गर्नु पुलको ठेक्का लिएको एल के विल्डर्सलाई अनुरोध गरेको छ । त्यस्तै मन्त्री देउवाले आफ्नो कार्यकालमा बिकास निर्माणका कामहरुलाई दुर्गम ठाँउमा दुर्त गतिमा बढाएर अगाडि लैजाने वचन बद्दता दिनु भएको छ । उक्त सडक पुल शिलान्यास कार्यक्रमकाे किनारा न्यूजकाे अफिसियल फेसबुकबाट लाईभ गरिएकाे थियाे ।
