324 पटक पढिएको
बाजुरा —बडिमालिका नगरपालिकामा गठित नगर स्तरिय युवा सञ्जालद्धारा पुशे १५ को अवसर पारी मार्तडी बजारको सरसफाई गरेको छ । नगरपालिकामा गठित नगरस्तरीय युवा संञ्जालले आज मार्तडी बजार सरसफाई गरेको नगरस्तरीय युवा संञ्जालका सचिव बिरेन्द्र रावलले बताउनुभएको छ । नगरस्तरीय युवा सञ्जाल विभिन्न निकायको सहयोगमा नगरपालिका तथा बजारको सरसफाई गरेको सचिव राववले बताएका छन । नगरस्तरीय युवा संञ्जाल गठित भएको करिब एक महिना नपुग्दै युवा संञ्जालले बिभिन्न सामाजिक कार्यहरु संञ्चालन गरीसकेको सचिव राववले बताए ।
सभ्य समाज निर्माण गर्नु हाम्रो दायित्वः लागौं, जागौ, गरौं स्थायित्व भन्ने मुल नाराका साथ नगरस्तरीय युवासंञ्जालले आज पुशे पन्ध्रको अबसर पारी उक्त सरसफाई कार्यक्रमको आयोजना गरेको हो । युवा सञ्जालले मार्तडी बजारको सडकको नाली,खाल्डानखुल्डी भएको ठाँउहरुको फोहर संकलन गरेको छ र साथै नालीहरुको पनि सरसफाई गरेको छ । फोहर संकलनको सहायताका लागी नगरपालिकाको गाडी लगेर फोहर संकलन गरीएको बताइएको छ । आइतबार अर्थात आज बडिमालिका नगर स्तरिय युवा सञ्जालको आयोजना,गिफ्ट नेपाल, आइएनफ, बडिमालिका सामुदायिक विकास समाज, सहारा नेपाल र (बागेश्वर असल शासन क्लब) बास नेपालको समन्वयमा बजार सरसफाई कार्यक्रम गरीएको हो ।
उक्त बजार सरसफाई कार्यक्रममा युवा सञ्जालका पदाधिकारी, नगरपालिकाका जनप्रतिनिधि, सहयोगी निकायका प्रतिनिधि, किशोरी समुह लगायत करिब ५० जना भन्दा बढिको उपस्थितमा सरसफाई कार्यक्रम सम्पन्न गरीएको नगर स्तरिय युवा सञ्जालका अध्यक्ष सन्तोष विकले बताउनुभएको छ । त्यतिमात्र नभई युवा सञ्जालले बजार सरसफाईसंगै एक औपचारिक रुपमा सचेतनामुलक सांस्कृतिक कार्यक्रम समेत गरेको छ ।
युवा सञ्जालका अध्यक्ष सन्तोष विकको अध्यक्षतामा सुरु भएको सांस्कृतिक कार्यक्रममा बडिमालिका नगरपालिका ७ का वडा तथा नगर प्रवत्ता अध्यक्ष धर्मराज पाध्याय प्रमुख अथिति रहेका थिए । त्यस्तै अथितिमा बडिमालिका ८ का वडा अध्यक्ष चन्द्र थापा, ९ का अध्यक्ष सूर्यकिरण विक, फियान नेपालका केन्द्रीय सचिव मदनराज जैशी, किशोरी समुह लगायतको सहभागीता रहेको थियो । उक्त कार्यक्रमको संञ्चालन कार्यक्रमको नगर स्तरीय युवा सञ्जालका सचिव बिरेन्द्र रावलले गर्नुभएको थियो ।
प्रतिक्रिया
सम्बन्धित खवर
