459 पटक पढिएको
साहित्यकार कमला पौडेलका आठ वटा उत्कृष्ठ मुक्तकहरु
कमला पौडेल बरेङ-१, उर्लेनी,बागलुङ ।
मुक्तक १
पहिचान दिँदै संघर्षहरु गरेर हेर्नुपर्छ
फल पाउन धरोधर्म फुल छरेर हेर्नुपर्छ
आखिर जिवन दुख र कष्ट मात्रै त होनी,
जँहा एक्लै सागरहरु तरेर हेर्नुपर्छ ।।
मुक्तक २
स्वार्थी छ संसार सबै कसैको भर पर्दिन म
परिवार हो सबथोक कसैको लागी मर्दिन म
भाग्य हेरी होइन कर्म गरी जीवन बिताउने छु,
सफल हुनु छ एकदिन कसैको आस गर्दिन म ।।
मुक्तक ३
कसको मनमा केके हुन्छ सबै भित्र देखिने भए
मुहार जस्तै बिचारको उस्तै चित्र देखिने भए
सायद ऐना कसैले प्रयोग गर्ने थिएनन् पक्कै
ऐना हेर्दा आफ्ने असली चरित्र देखिने भए ।।
मुक्तक ४
धर्तिमै छु आकासको छानो मुनि यहि मेरो जिन्दगी हो
हेर्दा सामान्य तर धेरै सुखी छुनी यहि मेरो जिन्दगी हो
सन्तोष छैनन् कोहि पनि आलिसान महलमै बसेपनि,
म छु सडकमै कयौ सपना बुनी यहि मेरो जिन्दगी हो ।।
मुक्तक ५
गरिबको मजदुरी अनि धनीको कुरिकुरि हुनसक्छ
गहिरिएर हेर समानतामा पनि कतै दुरी हुनसक्छ
बाध्यतालाई मजाक बनाउनेहरु होसियार बन्ने गर,
होइन भने त नम्र बोलीवचन पनि छुरी हुन सक्छ।।
मुक्तक ६
कुसंस्कार र कुरितिले सबलाई खाएको पो देख्छु
फेसनको नाममा कपडा उधारेर लाएको पो देख्छु
टेकेको धरातल बिर्सिएर भन्दा उल्टो जमाना होनि,
कठै निर्दोष समयले नै अबजस पाएको पो देख्छु।।
मुक्तक ७
मैलो झुत्रो एकजोड कपडा घरीघरी लगाउनु पर्छ
नजिक आउनै नपाई कैयौंपटक खुसी भगाउनु पर्छ
तिम्रो जस्तो रङ्गिचङ्गी जीवन होइन नि त साथी मेरो,
देखावटी मुस्कानको लागि सदा आँसु बगाउनु पर्छ ।।
मुक्तक ८
सबै कुरा सम्भव मानी अब पढ्नु पर्छ मैले
भुलेर सारा बिगत अगाडी बढ्नु पर्छ मैले
सुहाउँदैन तलाई शिक्षा भन्नेृहरुको खातिर,
सफलताको शिखर एकदिन चढ्नु पर्छ मैले ।।
