238 पटक पढिएको
कोल्टी सम्बाददाता:– बाजुराको कोल्टी प्राथमिक स्वास्थ्य केन्द्रको एक बेडमा गत बुधवार देखि अचेत अवस्थामा रहेकी किशोरी ललिता गिरीको उपचार भैरहेको छ । बुधवार अपरान्न भिरबाट लडेर गम्भीर अवस्थामा रहेकी बुढीनन्दा नगरपालिका वडा नं एक की गरीलाई थप उपचारका लागि नेपालगंज लगायतका सुविधा सम्पन्न ठाउँमा लैजानु देखिएता पनि उनि अचेत अवस्थामा रहेको झण्डै ७२ घण्टा पुग्दासम्म पनि उद्धार हुन नसकेपछि आफन्तलाई चिन्ता बढ्दै आएको छ ।
गीरीका आफन्त ढकराज गिरीले प्रतिकुल मौसममा कारण हेलिकप्टर उड्न नकेकाल भएकोले उनको उपचारमा समस्या भएको बताए । भिरबाट लडेको चार दिन पुगि सक्यो सक्दा पनि विहिवार नेपाली सेनाको हेलिकप्टर आउने भनिएको थियो । शुक्रवार मात्र नेपाली सेनाको हेलिकप्टर मार्तडीसम्म पुगेर फर्किएकोले गीरीको उपचारमा थप समस्या परेको छ । बाजुराका प्रमुख जिल्ला अधिकारी गोपाल प्रसाद अधिकारीले नेपाली सेनाको हेलिकप्टर पोरखे लेकसम्म पुगेर फर्किएको बताए ।
हेलिकप्टर कोल्टी सम्म लिनका लागि दृष्यअवलोकन गर्न नसकेका कोल्टी सम्म हेलिकप्टर आउन नसकेको प्रमुख जिल्ला अधिकारीले पुष्टी गरेका छन । तर नेपाली सेनाले भने घाइते अवस्थामा रहेकी गिरीको उद्धार भन्दा पहिले वडिमालिका दर्शनको कार्यतालिका राखेकाले उद्धारमा ढिलाई भएको बताएका छन । घाइते गिरीका आफन्त ढकराज गिरीले यस्तो जटिल अवस्थामा नेपाली सेना जस्तो जिम्मेवार निकायले उद्धारलाई प्राथमिकता नदिई वडिमालिका दर्शनलाई प्राथमिकता दिएको भन्दै गुनासो पोखेका छन ।
उता नेपाली सेना बाजुराका प्रमुख सुनिल विष्टले भने पहिलो प्राथमिकतामा उद्धार नै राखेको बताएका छन । बडिमालिकामा त नेपाली सेनाको नियमित पुजाका लागि जाने तयारी भै रहेको हो उनले बताए । शनिवार जसरी पनि उद्धार गर्ने तयारीमा रहेको मेजर सुनिल विष्टले बताए ।
७२ घण्टा देखि अचेत अवस्थामा रहेकी गिरीको अहिले सम्म होस आउन सकेको छैन । उनलाई अहिले दुखाईको महशुस भए पनि अरु कुनै कुराको महशुस नभएको कोल्टी प्राथमिक स्वास्थ्य केन्द्रका प्रमुख डा डिकेन्द्र सञ्ज्यालले बताए । अक्सीजन लेभर निकै घटेको छ । अवस्था निकै जटिल रहेकाले समयमै उद्धार हुन नसके थप जटिल हुदै जाने डा सञ्ज्यालले बताए । उनको उद्धारका लागि समयमै पहल भए पनि थप उपचारका लागि हेलिकप्टर कुर्दा कुर्दै आज ३ दिन वितेको हो । स्थानिय देवी गिरीकी छोरी ललिता हाल चन्दनाथ आधारभूत विद्यालयमा कक्षा ७ मा अध्ययनरत रहेकी छन । टाउको, घाटी र ढाडमा चोट लागेको र हाल उनको प्राथमिक स्वास्थ्य केन्द्र कोल्टीमा उपचार भै रहेको छ ।
