75 पटक पढिएको
बाजुरा,२३ पुष/ बाजुरामा यस वर्ष हिँउदे बाली गहुँ उत्पादनमा गिरावट आउने भएको छ । जिल्लाको प्रमुख खाद्यान्न बाली गहुँ उत्पादनमा यो वर्ष भारी गिरावट आउने भएको हो ।यस वर्ष जिल्लामा २६ हजार १ सय ६० हेक्टर क्षेत्रफलमा लगाएको गहुँ बालीमा ६० प्रतिशतले उत्पादन घट्ने जिल्ला कृषि ज्ञान केन्द्र बाजुराका प्रमुख मिनप्रशाद जैशीले बताउनु भयो ।ज्ञान केन्द्रका प्रमुख जैशीका अनुशार लामो समयसम्मको खडेरीका कारण हिउदे बाली गहुँ उत्पादनमा कमी आउने छ । बाजुरामा सचिंत क्षेत्रफल ५ हजार २ सय ८५ हेक्टर छ भने असचिंत क्षेत्रफल २२ हजार ९ सय रहेको प्रमुख जैशीले जानकारी दिनु भयो ।
जस अनुशार २० प्रतिशत हेक्टर क्षेत्रफलमा सिचाईको सुविधा भएका कारण उत्पादनमा कम गिरावट आउने अनुमान गरिएकोे बताउनु भयो । यता ८० प्रतिशत हेक्टर क्षेत्रफल आकाशे पानीको भरमा रहेका कारण हिँउदे बाली गहुँ उत्पादनमा ५० देखी ६० प्रतिशतले उत्पादनमा कमी आउने बताईएको छ ।बाजुरामा ५ सय २८।५ हेक्टर क्षेत्रफल खेति योग्य जमिन छ । भने २२ हजार ९ सय पाखो तथा भिरालो जमिन रहेको कृषी ज्ञान केन्द्रको तथ्याँङ्कमा देखाएको छ ।
प्रतिक्रिया
सम्बन्धित खवर
