बाजुराः  जिल्लाको बडिमालिका नगरपालिका वडा.नं.७ रजातोलीमा अबस्थित कालाऋषि युवाक्लवको संयोजकत्वमा सरसफाई कार्यक्रम गरीएको छ ।भुपापर्वको अवसर पारी उक्त सरसफाई कार्यक्रमको आयोजना गरीएको कालाऋृषि युवाक्लवका अध्यक्ष गणेश राज तिमिल्सेनाले बताएका छन । अध्यक्ष तिमिल्सेनाले दिएको जानकारी अनुसार भुवा पर्वलाई ब्यबस्थित बनाउन तथा गाँउघरलाई स्वच्छ तथा सफा सुग्घर बनाउको लागी उक्त सरफाई कार्यक्रम संञ्चालन गरीएको उहाँले बताएका छन । क्लबको संयोजकत्वमा तथा भुवा पर्व मेला ब्यबस्थापन समितिको अगुवाईमा उक्त कार्यक्रम गरएिको भुवा पर्व मेला ब्यबस्थापन समितिका संयोजक उमाकान्त पाध्यायले जानकारी दिनुभएको छ । भुवा पर्व मनाउने ठाँउ लगाएत गाँउको सम्पुर्ण घर आँगनको सरसफाई गरीएको छ । गाँउघर सफा सुग्घर राखे बिभिन्न किसिमका रोगबाट बच्न सकिने,गाँउघरको वातावरण सफा तथा सुन्दर देखिने,सरसफाई मानविय जिवनमा ठुलो समस्या पैदा गर्नबाट रोक्ने हुँदा गाँउघर सरसफाई कार्यक्रम गरीएको बडिमालिका नगरपालिका वडा।नं।७ का वडाअध्यक्ष तथा नगर प्रबक्ता धर्मराज पाध्यायले बताएका छन ।

भुवा पर्वको बेला गाँउघरमा थप फोहर हुने,धेरै मानिसहरुको उपस्थितमा गाँउको वातावरणमा अलि समस्या देखिने भएका कारण थप गाँउघरको वातावर स्वच्छ राख्न उक्त कार्यक्रमको आयोजना गरएिको हो । बिषेषत कालाऋृषि युवाक्लवले यस्ता सामाजिक कार्यमा सधै साथ सहयोग गरीरहेको पाइन्छ गाँउघरमा परम्परागत देखि चल्दै आएको भुवा पर्वको अवसरमा क्लवको संयोजकत्वमा गाँउघर सरसफाई गरीएको हो । दैनिक फोहरले वातावरण दुर्गन्धित भईरहेको बेला क्लबको संयोजकत्वमा आज एक कार्यक्रमका बिच उक्त सरसफाई कार्यक्रम गरएिको हो । सामाजिक कार्य तथा गाँउमा संञ्चालन हुने हरेक मेला पर्वलाई ब्यबस्थित बनाउन,समाजमा सकारात्मक कामको सहानुभुती जगाउन,समाजमा रहेका हरेक समस्याहरुको समाधान गर्न क्लब सधै लागी पर्ने क्लबका अध्यक्ष गणेशराज तिमिल्सेनाले बताएका थिए । युवाक्लवको बाक्लो उपस्थितमा उक्त सरसफाई कार्यक्रम गरीएको तिमिल्सेनाले जानकारी दिनुभएको छ ।

भुवा पर्व मनाइने ठाँउ र गाँउका गल्ली गल्लीमा सडेगलेको फोहर संकलन गरेर जलाई छ । कुहिने,नकुहिने फोहरको पहिचान गर्दै कुहिने फोहरलाई जलाइएको नकुहिने फोहरलाई खाडल बनाएर पुरीएको छ । गाँउमा धेरै मात्रामा फोहर थियो,उक्त फोहरलाई संकलन गरेर नष्ट गर्न सहयोग गरीएको प्रति क्लबलाई गाँउका स्थानियले धन्यबाद समेत दिएका छन । उक्त सरसफाई कार्यक्रममा बडिमालिका ७ का वडा अध्यक्ष धर्मराज पाध्याय,भुवा पर्व मेला ब्यबस्थापन समिति संयोजक उमाकान्त पाध्याय,रजातोली टोलका टोल संयोजक डब्बल प्रशाद तिमिल्सेना,बिबेकशिल टोलका टोल संयोजक मोती पाध्याय,ढम्कने सहरी स्वास्थ्य केन्द्रका इन्चार्ज काँशिचन्द्र पाध्याय,कालाऋृषि युवा क्लवका अध्यक्ष गणेशराज तिमिल्सेना,क्लबका सम्पुर्ण सदस्यहरु र स्थानियहरुको बाक्लो उपस्थित रहेको थियो ।