320 पटक पढिएको
बाजुराः प्रेस चौतारी नेपालको स्थापना दिवसको अबसरमा दूई जना पत्रकारलाई विनोद स्मृती पत्रकारिता पुरस्कार बाट सम्मानित गरीएको छ । प्रेस चौतारी नेपाल केन्द्रिय सदस्य विमला रावल र प्रेस चौतारी आवद्ध पत्रकार गगन अएडीलाई २६ औँ स्थापना दिवसको अवसरमा विनोद स्मृती पत्रकारिता पुरस्कार प्रदान गरिएको प्रेस चौतारी नेपाल बाजुराका अध्यक्ष मदन विकले बताउनु भयो ।
अध्यक्ष विकका अनुशार स्थापना दिवसको अवसरमा रावल र अएडीलाई विनोद स्मृतीको सम्झनामा प्रमाण पत्र सहित ५ हजार ५ सय ५५ रुपैयाको चेक हस्तान्त्रण गरिएको छ । प्रेस चौतारी नेपाल बाजुराले स्थापना दिवसको अवसमा प्रत्येक बर्ष विनोद स्मृती पुरस्कार प्रदान गर्दै आएको प्रेस चौतारी नेपाल बाजुराका सचिव रमित विकले बताउनु भयो ।
उहाँका अनुशार स्थापना दिवसकै अवसरमा निबन्ध प्रतियोगिताको समेत आयोजना गरिएको हो । उक्त निबन्ध प्रतियोगिता बाजुरा क्याम्पसमा गरिएको बताईएको छ । प्रेस चौतारी नेपालले आयोजना गरेको निबन्ध प्रतियोगितामा कुमार प्रशाद उपाध्याय प्रथम , भरत बोहोरा द्धितिय, र तृतियमा मनिशा चेपाङ र सान्त्वना रोसनी कुमारी बुढाले प्राप्त गरेको सचिव विकले जानकारी दिनुभयो ।
प्रथम,द्धितिय ,तृतिय र सान्त्वना स्थान प्राप्त गर्ने प्रतियोगिहरुलाई स्टेशनरी समान प्रदान गरिएको उहाँले बताउनु भयो । प्रेस चौतारी नेपाल बाजुराका अध्यक्ष मदन विकको अध्यक्षतामा संचालन गरिएको कार्यक्रमको प्रमुख अथिती नेकपा एमाले बाजुराका प्रचार विभाग प्रमुख काशी वि .क रहेका थिए ।त्यस्तै अथितीमा नेपाली काग्रेस बडिमालिका नगरसभापती गोपाल कार्की , एकिकृत समाजवादी बाजुराका अध्यक्ष पुरबहादुर रावत, बडिमालिका नगरपालिकाका नगरप्रमुख अमर खड्का,उपप्रमुख नन्दा थापा,गौमुल गाउँपालिका उपाध्यक्ष सिता थापा, प्रेस चौतारी नेपाल प्रदेश अध्यक्ष कृष्ण ओली , प्रेस युनियन बाजुरा अध्यक्ष संगिता तिमिल्सेना,प्रेस सेन्टर नेपालका केन्द्रिय सचिव निमेन्द्र शाही ,समाजवादी प्रेस संगठन केन्द्रिय सदस्य धनकृष्ण विक लगायत रहेका थिए ।प्रेस चौतारी नेपाल बाजुराका कोषाध्यक्ष शुसिल रोकायाले स्वागत मन्तव्य राख्नु भएको कार्यक्रमको संचालन सचिव रमित विकले गर्नुभएको थियो ।
प्रतिक्रिया
सम्बन्धित खवर
