285 पटक पढिएको
बाजुरा। बडीमालिका नगरपालिका वडा नम्बर ८ का वडा अध्यक्ष चन्द्रबहादुर थापाको पहलमा विद्यार्थीलाई शैक्षिक सामाग्री सहयोग गरिएको छ ।बडीमालिका–८ स्थित रतुडामा रहेको जनप्रकाश आधारभूत विधालयमा अध्ययनरत १७ जना विद्यार्थीहरुलाई शैक्षिक सामाग्री अन्तरर्गत स्कुल ड्रेस, स्टेशनरी र चिसो छल्न न्यानो कम्वल (ब्लाँकेट)वितरण गरिएको वडा अध्यक्ष चन्द्रबहादुर थापाले बताएका छन् ।
वडा अध्यक्ष थापाले विद्यार्थीलाई शैक्षिक सामाग्री वितरण गर्दै भने वडा अध्यक्षको आफ्नो कार्यकाल रहँदा सम्म वडा भित्रका विपन्न परिवारका बालवालिका, दलित, वृद्धवृद्धा, अपाङग लगायतलाई सहयोग गरिरहने बताए ।वडा अध्यक्ष थापाले आफ्नो छोरी निशा थापाको जन्मदिनको अवसर पारेर विद्यालयमा अध्ययनरत विपन्न १७ जना विद्यार्थीलाई स्टेशनरी, स्कुल ड्रेस, र न्यानो कम्वल सामाग्री सहयोग गरिएको विद्यालयका प्रधानाध्यापक प्रकाश ऐडीले बताएका छन् ।
विद्यालयमा पहिलोपटक वडा अध्यक्ष चन्द्रबहादुर थापा, वडा सदस्य दलबहादुर ऐडी र वडा नम्वर ८ को सहयोगमा विद्यार्थीलाई शैक्षिक सामाग्री, र चिसो छल्न न्यानो कम्वल सहयोग गरिएपछि विद्यालयमा अध्ययनरत विद्यार्थीहरुलाई नियमित पठनपाठनमा सहज हुने प्रधानाध्यापक ऐडीले बताएका छन् ।
