300 पटक पढिएको
बाजुराः जिल्लाको गौमुल गाउँपालिका वडा न १ माडीमा आगलागीबाट एक घर जलेर पूर्ण रुपमा नष्ट भएको छ । हिजो बेलुका ८ः३० बजेको समयमा घरमा सुतिरहेको अवस्थामा एक्कासी आगलागी भएको हो । आगो लाग्नेमा स्थानीय महेन्द्र रोकायाको घर रहेको बताइएको छ ।
घरको भान्छा तलाबाट खाना खाएर तल्लो तलामा सुत्न आएको बेला एकाएक आगलागी भएको बताईएको छ। आगलागीबाट घरमा रहेका अन्नपात, लत्ताकपडा, भाँडाकुडा लगायत जलेर पूर्ण रुपमा नष्ट भएको बताइएको छ ।आगलागीबाट कुनै मानवीय क्षति भने भएको छैन । आगलागीको घटनाबारे प्रहरीले थप अनुसंन्धान गरीरहेको छ ।
