78 पटक पढिएको
बाजुरा,६ फागुन : जिल्लाको बडीमालिका नगरपालिका -१ पाटाका स्थानियहरुको सक्रियतामा सर्वदानका रुपमा सडक निर्माण गरी गाउँमा ट्याक्टर पुगाएका छन् । मार्तडी थामलेख सडकमा पर्ने माथिल्लो पाटा देखी पनेरी खोला र गैरीडाँडा हुदै माँजपाटा सम्मको सडक निर्माण गरी गाँउमा ट्याक्टर पुगाईएको हो ।
समन्धित स्थानिय तहले सो सडक निर्माण कार्यमा ध्यान नदिएपनी स्थानियहरुले भने सर्वदानमा सडक निर्माण कार्य सम्पन गरी गाउँमै आईबार ट्याक्टर पुर्याईएको स्थानिय रावतले जानकारी दिनुभयो । केही बर्ष अगाडी अधिल्लो नगर सरकारले गाउँमा जाने ट्याक मात्र खोलेको तर सवारी साधान भने गाउँमा नपुग्ने गरेका थिए । अहिले सर्वदानमै सडक निर्माण गरी गाँउमा ट्याक्टर पुग्न थालेपछी स्थानिय खुसी भएका छन् ।
तल्लो पाटा गाउँ सडक संजाल संग जोडिएपछी पाटा सहरी स्वास्थ्य केन्द्र र घटालेश्वरी आधारभुत विद्यालयलाई समेत सहज भएको अर्का स्थानिय नयनराज पण्डितले बताउनु भयो । उहाँका अनुशार अव सहरी स्वास्थ्य केन्द्रमै गाडी पुन्ने भएपछी विरामीहरुलाई जिल्ला अस्पतालमा लिन सहज हुने भएको छ ।
गाउँमा सवारी साधान सजिलै रुपमा पुग्ने र त्यहाँका स्थानियहरुले गाउँमा उत्पादन गरेको तरकारी,फलफुल लगायतको सामान ढुवानी गर्न सजिलो हुने उहाँले बताउनुभयो । स्थानियद्धारा सर्वदान मार्फत सडक निमार्ण गरिएको क्षेत्र शुदुरपश्चिम प्रदेश सभा सदस्य तथा माननिय जुना दानीको गृह गाउँ समेत हो ।
प्रतिक्रिया
सम्बन्धित खवर
