153 पटक पढिएको
राम बहादुर दानी:- असाढ २ गते भिरबाट लडेर घाईते भएकी बुढीनन्दा नगरपालिका वडा नम्बर १ रावतवाडाकी ललिता गीरीको आईतबार मात्र ५ दिन पछि मनाङ एयरको हेलिकप्टरबाट उद्दार गरेकाे हाे ।
असाढ ६ गते मात्र गीरीको थप उपचारका लागि काठमाण्डौ लगिएको छ । भिरबाट लडेर गम्भीर घाईते भएकी गीरीको उपचार कोल्टी प्राथमिक स्वास्थ्य चौकीमा उपचार भैरहेको थियो । कोल्टीमा उपचार सम्भव नभए पछि उनलाई आईतवार मात्र काठमाण्डाै लगिएको जिल्ला प्रहरी कार्यालय बाजुराले जनाएकाे छ । १६ बर्षिया बालिका ललिता गीरीकाे, मिठि, ढाड र खुट्टामा गम्भीर चाेट लागेकाे थियाे भने उनी कक्षन ७ मा अध्यायन गरिरहेकी थिईन् ।
नेपाल सरकार शुदुरपश्चिम प्रदेश आन्तरिक मामिला तथा कानून मन्त्रालयबाट निज गीरीको थप उपचारका लागि पहल भएको थियो । आन्तरिक मामिला मन्त्री पुर्णा कुमारी जोशीको अथक प्रयासमा गीरीलाई थप उपचारका लागि कनठमाण्डौ लगिएको हो ।
भिरबाट लडेर गम्भीर घाईते भएकी गीरीको उद्दारका लागि शुक्रवार नेपाली सेनाको हेलिकप्टर बाजुरामा आएता पनि उद्दार नगरी मालिकाको दर्शन गरि फर्किएको थियो । पोरखे लेकमा लागेको बाक्लो कुईरोका कारणा हेलिकप्टर काल्टीमा अवतरण गर्न सम्भव नभए पछि हेलिकप्टर धनगढी फर्किएको थियो ।
५ दिनपछि आईतवार बिहान साडे सात बजे तिर मात्र मनाङ एयरको हेलिकप्टरबाट काठमाण्डौको ट्रामा सेन्टरमा मात्र उपचार सम्भब भएकाेले काठमाण्डाै लगिएको कोल्टीबाट पत्रकार नहकुल जोशीले लोकतन्त्र विहानी न्युजलाई जानकारी दिए ।
