हिजाे मात्रै  बडिमालिका नगरपालिकाका दुई जना कर्मचारी बीच एकआपसमा कुटाकुट भएको घटना बाहिरिएको छ । कर्मचारीहरु बीच एक आपसमा कुटाकुट भएपछि एक कर्मचारी घाइते समेत भएकी छन् । मेड्पा परियोजना प्रमुख रन्जीता शाहीले आफ्नै कर्मचारी माथि हातपात गरेकाे घटना अहिले सामाजिक सञ्जालमा चर्चाको बिषय बनेकाे छ । हिजाे दिउँसो कार्यालय समयमै शाहीले कार्यालयकी आफ्नै कर्मचारी कबिता कुमारी सुर्यबंसी माथी हातपात गरिएकाे बताइएको छ ।
नगरपालिकामा नयाँ प्रमुख प्रशासकिय अधिकृत बम बहादुर के. सी. आइसकेपछी दैनिक कामको बिवरण सहितको कार्यसम्पादन गर्ने नियम बनाएपछि कार्यसम्पादन कागजात शाखा प्रमुखले च्यातेर फालिदिएपछी बिबाद हुदै चर्काचर्की भएको  नगरपालिकाका एक कर्मचारीले बताएका छन् । कार्य सम्पादनकाे कागजात कै बिषयलाई लिएर आफुमाथी हातपात भई कुटपिट भएको घाइते कर्मचारी कबिता कुमारी सुर्यबंसीले बताएकी छन। प्रशासकिय अधिकृतले कार्यसम्पादन सम्बन्धी डकुमेन्ट दिएको र सो डकुमेन्ट शाखा प्रमुख शाहीले च्यातिदिएपछी बिबाद सुरु भएको घाईते कर्मचारी सुर्यबंसीले बताएकी छन्। उनिमाथि कुटपिट भएपछी उनकाे टाउकोमा चोट लागेर अहिले जिल्ला अस्पताल बाजुराको आकस्मीक कक्षमा उपचारत रहेकी छ्न ।
यता प्रमुख प्रशाशकिय अधिकृत के. सी . ले भने दुबै कर्मचारीहरु बिच आन्तरिक द्धन्द्ध हुँदै आएको थियो, हुनसक्छ यहि रिस रागमा याे घटना घट्न गएकाे उनले बताएका छन् । आफु चाहिँ आज धनगडी जानुपर्ने भएकोले सो कुरालाइ आफु आइसकेपछी मिलाउने अधिकृत केसीको भनाइ रहेकाे छ ।कर्मचारी कबिता कुमारी सुर्यबंसीले भने पहिला देखी शाखा प्रमुख शाहीले आफुलाई हेप्दै आएको  आरोप लगाएकी छन् । शुक्रबारको घटना बाहिर आए पनि यस अघि पनि कार्यालयमा छाडा गालि गर्ने र हेप्ने गरेको उनले बताएकी छन् ।कार्यालयमा शाहीले परियोजनाको पैशा समेत हिनाबिना गरेकी  छन् , सामान खरिद गर्दा आफ्नै मनपरी गरेकी छन् , यहीँ बिषयमा  कुरा उठाउदा आफुमाथी आक्रमण भएको उनले बताईन्।
जिल्लाकै नमुना नगरपालिका हुनु पर्ने ठाउँमा नगरपालिकामा अहिले विभिन्न घटनाहरु बाहिरिदै गर्दा नगरपालिकाको प्रशासन माथी प्रश्न उठ्न थालेकाे छ । नगरपालिका भित्रै कर्मचारी कुटिन्छन्,पालिका भित्रै कर्मचारी बिच मनमुटाव छ ।पालिका भित्रै कर्मचारी नमिल्ने पालिकाले कसरी जनताकाे सेवा दिन सक्छन् भनेर अहिले सबै नगरबासिहरुले पालिकालाई हाेच्याईरहेका छन् । पालिकाले कहिल्यै राम्रो काम गर्न सक्दैन,कहिल्यै कार्यलयमा कर्मचारी हुदैनन् ,कहिल्यै अधिकृतकाे समस्या हुन्छ,कहिल्यै कर्मचारी कुटिन्छन् ,कहिल्यै कार्यालयका कर्मचारी लाई हप्काईन्छ,थर्काईन्छ पालिकाकाे याे प्रबृत्तिले सेवा प्रबाहमा निकै समस्या भईरहेकाे स्थानीयले बताएका छन् । नगरपालिकाका यस्ता घटनाले अहिले सबैले पालिकाकाे आलोचना गरिरहेका छन् ।