788 पटक पढिएको
बाजुरा–जिल्लाअखिल नेपाल महिला संघ बाजुराले ११४ औँ महिला श्रमिक दिवस मनाएको छ । बुधबार अनेमसंघ बाजुराको कार्यालयमा शुभकामना आदान प्रदान कार्यक्रमको आयोजना गरी
संघको केन्द्रिय कमिटिको निर्देशन अनुसार बाजुरा शाखाले अनेमसंघका केन्द्रिय कमिटि सदस्य तथा बाजुरा जिल्ला इन्चार्ज माया कुँवरको सहभागिता जिल्ला स्थित महिला नेतृ, महिला अधिकारकर्मी तथा स्थानिय महिलाको सहभागितामा शुभकामना आदान प्रदान सहित देउडा प्रतियोगिताको आयोजना गरी महिला श्रमिक दिवस मनाएको अनेमसंघका बाजुरा अध्यक्ष कोपिला सिंहले बताइन् ।
कार्यक्रममा शुभकामना मन्तव्य राख्दै अधिकांश महिलाहरुले महिलाका लागि बिगतमा भन्दा अहिले विभिन्न अवसरहरु रहेको भन्दै सहभागितामा मात्रै सहभागिता नभएर अर्थपुर्ण सहभागितामा जोड दिनुपर्ने बताएका छन् । साथै वक्ताहरुले यो संगै थुर्पै चुनौतहिरु पनि रहेको बताउँदै चुनौतीलाई पनि अवसरको रुपमा बदल्दै महिलाहरुले अगाडी बढ्नुपर्ने कुरामा जोड दिएका छन् ।
महिला शसक्तीकरणका लागि आयोजना गरिएको सन्देशमुलक देउडा प्रतियोगितामा बडीमालिका नगरपालिका वडा नं ८ र ९ का स्थानिय महिलाहरुको सहभागिता रहेको थियो । महिलाहरुले देउडा भावमार्फत महिला अधिकार, महिला शसक्तीकरणका कुरा गरेकी थिइन् ।
अनेमसंघका बाजुरा अध्यक्ष कोपिला सिंहको अध्यक्षतामा संचालन भएको कार्यक्रममा अनेमसंघका केन्द्रिय कमिटि सदस्य तथा बाजुरा जिल्ला इन्चार्ज माया कुँवर प्रमुख अतिथि रहेकी थिइन्, कार्यक्रममा अनेमसंघका पुर्व केन्द्रिय कमिटि सदस्य मन्देवी ओली, जिसस उपपप्रमुख लाछु सार्की, पत्रकार महिला लगायत स्थानिय महिलाहरुको सहभागिता रहेको थियो ।कार्यक्रमको संचालन अनेमसंघ बाजुराका सचिव देवु खातीले गरेकी थिइन् ।
