77 पटक पढिएको
बाजुराः साइन नेपाल नामक गैरसरकारी संस्थाले विसूको कोसेली स्वरुपमा आठ लाख बराबरको सामाग्री सहयोग गरेको छ । जिल्लाको त्रिवेणी नगरपालिका ६पन्धाराका ६ सय महिलाहरुलाई विसूको कोसेली स्वरुप स्वास्थ्य सामाग्री सहयोग गरेको हो ।
मानविय सेवामा अनेकौं प्रयास कैलालीको आर्थिक सहयोग र त्रिवेणी नगरपालिकाको समन्वयमा विकट क्षेत्र पन्धारा पुगेर ६ सय महिलाहरुलाई सामाग्री सहयोग गरिएको साइन नेपालका अध्यक्ष भक्तराज जोशीले बताएका छन् । सामाजिक कुप्रथालाई सचेतना दिनका लागी साइन नेपालले सुदूरपश्चिम लगायत जिल्लाको त्रिवेणी नगरपालिका र स्वामिकार्तिक गाउँपालिकामा यो कार्यक्रम संचालन गर्दे आईरहेको छ ।
पछिल्लो समय समाजमा छाउपडी प्रथा,महिला हिंसा,बालविवाह , जातिय विभेद लगायतका विषयहरु विकराल बन्दै गईरहका वेला साइन नेपाल नामक गैरसरकारी संस्थाले यसलाई न्युनिकरण गर्न सचेतना सहित महिलाहरुलाई स्वास्थ्य सामाग्री सहयोग गर्दै आएको छ ।गैरसरकारी संस्था मध्यकै साइन नेपाल मुनाफा रहित एक संस्था हो । सुदूरपश्चिम प्रदेशका डोटी,बझाङ,डडेधुरा र बाजुराका विपन्न परिवारलाई खाद्यन,बालबालिकाहरुलाई शैक्षिक सामाग्री र महिलाहरुलाई स्वास्थ्य सामाग्री वितरण गर्दै आएको साइन नेपालका अध्यक्ष भक्तराज जोशीले बताएका छन् ।
त्रिवेणी नगरपालिका पन्धारामा ६ सय महिलाहरुलाई एक थान सल,सेनिटरी प्याड,नेलकटर,सावुन ,सेम्फु ,पेन्टि लगायत आठ प्रकारका सामाग्री प्रती एक महिलालाई पर्ने गरी सहयोग गरिएको हो । यस भन्दा पहिला स्वामिकार्तिक गाउँपालिमा खाद्यँन्न सहयोग गरिएको अध्यक्ष जोशीले बताउनुभएको छ ।सामाजिक कुप्रथा सम्बन्धि सचेतना तथा सामाग्री वितरण कार्यक्रममा ९ वटै टोलका महिलाहरुको देउडा प्रस्तुती गरीएको थियो । बिषेश गरी अहिले समाजमा व्याप्त रहेका विषय बस्तुलाई समेटिने गरी देउडा गित,सडक नाटक प्रस्तुत गरिएको हो थियो ।
साइन नेपालका अध्यक्ष भक्तराज जोशीको अध्यक्षतामा संचालन भएको कार्यक्रमको प्रमुख अथिती त्रिवेणी नगरपालिका उपप्रमुख कमला न्यौपाने रहेकी थिईन् । त्यस्तै कार्यक्रममा ६ नम्मर वडाका वडाअध्यक्ष पारश बुढा , कार्यपालिका सदस्य मानसिंह विक,साइन नेपालका कोषाध्यक्ष मेघराज भट्ट ,प्रेस युनियन बाजुरा निवर्तमान सचिव प्रशान्तराज जोशी ,त्रिवेणी नगरपालिका सचिवालय प्रमुख खेमराज गिरी,त्रिवेणी कृषी शाखा प्राविधिक निर्प गिरी लगायतको सहभागिता रहेको थियो । कार्यपालिका सदस्य मानसिंह विकले स्वागत मन्तव्य राख्नुभएको कार्यक्रमको संचालन नेपाल प्रेस युनियन बाजुरा सचिव रामबहादुर विकले गर्नुभएको थियो ।
प्रतिक्रिया
सम्बन्धित खवर
