बाजुराः  जिल्लामा एकैदिन ४४ घरपरिवार नेकपा एमाले परित्याग गरी नेपाली काँग्रेसमा प्रेवश गरेका छन् । जिल्लाको स्वामिकार्तिक खापर गाउँपालिकामा नेकपा एमाले पार्टी परित्याग गरी एकैदिन ४४ घरपरिवार नेपाली काँग्रेस पार्टीमा प्रवेश गरेका छन् । पछिल्लो समयमा बाजुरामा नेकपा एमाले पार्टी छोडेर काँग्रेसमा प्रवेश हुने संख्या निकै बढेको छ ।

नेपाली काँग्रेस स्वामिकार्तिक गाउँसमितीले आयोजना गरेको नयाँ बर्षको शुभकामना आदानप्रदान कार्यक्रमको अबसरमा भारी संख्यामा नेकपा एमाले पार्टी छोडेर नेपाली काँग्रेस पार्टीमा प्रवेश गरेका छन् ।कुनै दिन नेकपा एमालेको ब्रचस्व भएको पालिकामा नेपाली काँग्रेसको निती,नियम र काम गर्ने गतिबिधीलाई मन पराएर प्रवेश हुनेको संख्या बढिरहेको छ । नेकपा एमाले परित्याग गरी काँग्रेसमा प्रवेश गर्नेको सख्या बढेपछी यता नेकपा एमाले बाजुराका नेता तथा प्रतिनिधी सभा सदस्य तथा माननिय दयाल बहादुर शाहीलाई ठुलो धक्का पुगेको छ । उहाँको स्मामिकार्तिक गाउँपालिका गृह पालिको पनि हो । ठुलो संख्यामा काँग्रेसमा प्रवेश भएपछी नेकपा एकिकृत समाजवादीलाई समेत धक्का पुगेको छ ।

एकैदिन ४४ घरपरिवार नेकपा एमाले परित्याग गरी काँग्रेसमा प्रेवश गरेको नेपाली काँग्रेस स्वामिकार्तिक गाउँसभापती महेश कटेलले बताएका छन् । स्वामिकार्तिक गाउँपालिका १,२ र ३ नम्मर गरी ४४ घर परिवार काँग्रेसमा प्रेवश गरेको सभापती कटेलले जानकारी दिनुभयो ।नेकपा एमालेको निती,नियम तथा कामको गतिबिधीलाई मन नपराएर काँग्रेसमा प्रवेश गरेको नवप्रवेशीहरुले बताएका छन् । काँग्रेसमा नवप्रवेशीहरुलाई नेपाली काँग्रेसका पुर्वपार्टी सभापती मानबहादुर रावल,बर्तमान पार्टी उपसभापती पदम बडुवाल,सचिव भरत बहादुर रोकाया,नेवि.संघ जिल्ला अध्यक्ष जनक थापा लगायतका नेता तथा कार्यकर्ताहरुले खादा सहित अविर लगाएर भव्य स्वागत गर्नुभएको थियो ।