128 पटक पढिएको
गोबिन्द्र राज तिमिल्सेना,बाजुराः जिल्ला अस्पताल बाजुराको एम्बुलेन्स प्रयोग बिहिन भएको छ । एम्बुलेन्स बिग्रेको करिब तिन सातासम्म पनि एम्बुलेन्स संञ्चालनमा आउन सकेको छैन् । एम्बुलेन्स संञ्चालनमा नआँउदा बिरामीहरुलाई समस्या भएको छ । एम्बुलेन्सको लागी मर्मत खर्च नहुँदा एम्बुलेन्स तिन साता देखि थन्किएको अस्पताल बाजुराका सुचना अधिकारी नृपराज गिरीले बताउनुभएको छ ।
सुचना अधिकारी गिरीले दिएको जानकारी अनुसार अस्पताल बाजुरामा अहिले एम्बुलेन्स मर्मतको लागी खर्च नहुँदा समस्या आएको बताएका छन् । बेलाबेला मर्मत गरिरहँदा खर्च सकिएको र अहिले उक्त एम्बुलेन्स मर्मतको लागी खर्च समेत नहुँदा खाली थन्किएको उनको भनाई रहेको छ । जिल्ला अस्पताल संग अहिले स्रोत छैन एम्बुलेन्स मर्मतको लागी प्रदेश सरकार बाट पनि खर्च नआएका कारण एम्बुलेन्स मर्मतमा समस्या भएको उनले बताएका छन् । एम्बुलेन्स संञ्चालन गर्दा अस्पताले तिन लाख खर्च गर्यो तर एम्बुलेन्सले चालिस हजार मात्रै आम्दानी गर्यो मर्मतका लागी पनि पैशा उठाउन नसक्दा समस्या आएको अधिकारी गिरीको भनाई रहेको छ ।
बिग्रेको एम्बुलेन्स मर्मतको लागी हामी लागीरहेका छौ। एम्बुलेन्स मर्मत गर्न झण्डै एक लाख बढी रकम लाग्ने, एम्बुलेन्स पनि बेलाबेला बिग्रीरहने सोचे अनुसारको काम पनि नहुने,मर्मत गरीरहनु पर्ने हुँदा अहिले मर्मतको लागी खर्च नै नहुँदा एम्बुलेन्स थन्किएको अधिकारी गिरीको भनाई रहेको छ । चाडो भन्दा चाडो सबै संग समन्वय सहकार्य गरी एम्बुलेन्स मर्मत गरेर संञ्चालनमा ल्याइने उनले बताएका छन् । एम्बुलेन्स बिग्रेको लामो समयसम्म पनि संञ्चालनमा आउँन नसक्दा अहिले बिरामी,सुत्केरी तथा गर्भवती महिलाहरुलाई निकै समस्या भएको छ ।
प्रतिक्रिया
सम्बन्धित खवर
