111 पटक पढिएको
बाजुरा– छ वटा महत्वपूर्ण विद्येयकहरु पारित गर्दै बडिमालिका नगरपालिकालको नवाैं नगरसभा सम्पन्न भएको छ । सोमबार सम्पन्न नगरसभाबाट कर तथा गैर कर सम्बन्धी विद्येयक २०७८, बजेट तथा कार्यक्रम तर्जुमा समितिको कार्य संचालन कार्यविधि विद्येयक २०७८, स्थानिय राजश्व समितिको कार्य संचालन कार्यविधि २०७८, अनुगमन तथा सुपरिवेक्षण समितिको कार्य संचालन कार्यविधि २०७८, बडिमालिका नगरपालिका शिक्षक दरबन्दी मिलान तथा व्यवस्थापन कार्यविधि २०७८, शिक्षा प्रतिकार्य योजना २०७८, पारित भएको हो ।
नगरसभाबाट बडिमालिका नगरपालिका शिक्षक दरबन्दी मिलान तथा व्यवस्थापन कार्यविधि २०७८, केही संशोधन सहित पारित भएको नगरपालिकाका प्रमुख पदम बडुवालले वताए । नगर प्रमुख बडुवालले भने, ‘यो सभाबाट मत्वपूर्ण विद्येयकहरु पारित भएका छन्, अव हामीहरुलाई यही पारित भएका ऐन अनुसार काम गर्न सहज हुने बताउनुभयो ।’ काम गर्दै जाँदा केहि पछि संसोधन गर्न मिल्ने गरि पारित भएका छन् । नगर उप प्रमुख कविता बिष्टले जनसरोकारसंग महत्व राख्ने विद्येयकहरु पारित हुँदा नगरपालिकाबाट सम्पादन हुने कामहरु सम्पादन गर्नका लागि सहज हुने वताइन् । नगर उप प्रमुख बिष्टले नगरसभाका कुनैपनि विमतिहरु नरहेको र सर्वसम्मत रुपमा नगरसभा सम्पन्न भएको जानकारी गराए।
प्रतिक्रिया
सम्बन्धित खवर
