काठमाडौँ– दुइ दिने नेपाल भ्रमणका लागि रहेका कतारका राजा शेख तमिम बिन हमाद अल थानी र प्रधानमन्त्री पुष्पकमल दाहाल ‘प्रचण्ड’ बिच आज द्विपक्षीय वार्ता हुने भएको छ ।
दुई दिने नेपाल भ्रमणका लागि हिजो नेपाल आएका कतारका राजा थानी आज नै प्रधानमन्त्री प्रचण्डसँग भेटवार्ता गर्न लागेका हुन् । राजा थानी आज नै नेपालको दुइ दिने राजकिय भ्रमण सकेर स्वदेश फिर्ता हुँने नेपाल भ्रमणमा रहेका कतारी भ्रमण टोलीले बताएका छन ।

वार्तापछि दुवै द्विपक्षीय सम्झौता र समझदारीपत्रमा हस्ताक्षर गर्ने कार्यक्रममा सहभागी हुनेछन् । कतारका अमिर शेख तमिम बिन हमाद अल थानी आजै स्वदेश फर्कने छन् ।

राष्ट्रपति पौडेलको मैत्रीपूर्ण निमन्त्रणामा अल थानी नेपालको दुई दिने राजकीय भ्रमणमा मङगलबार अपराह्न नेपाल आइपुगेका हुन् । राष्ट्रपति पौडेलले हिजो अल थानीलाई त्रिभुवन विमानस्थलको अति विशिष्ट कक्षमा स्वागत गरेका थिए। राष्ट्रपति पौडेलसँग उनले हिजै भेटवार्ता गरेका थिए ।

सो भेटमा नेपाल र कतारबिच रहिआएको मैत्रीपूर्ण सम्बन्ध, आपसी हित र चासोका विविध विषयमा छलफल भएको थियो । राष्ट्रपति पौडेलले कतारका अमिरको सम्मानमा हिजो साँझ राजकीय भोजको आयोजना पनि गरेका थिए ।