बाजुरा- बाजुरा जिल्ला उत्तर पर्व क्षेत्र काे बुढिनन्दा  नगरपालिका को कोल्टी क्षेत्रमा खाने पानीको र बिजुली बत्तीको समस्या बढ्दै गएको छ । खानेपानी पाईपका लाईन बर्खा लागे लगत्तै अविरल बर्षाका कारण समयसमयमा पुरिने हुँदा समस्या आएको हो । बिगतका दिन झै हिजोआज पनि फेरि समस्या थपिएको छ । सरोकारवाला निकायबाट सहि तरिकाले  पहल नहुँदा पनि नागरिकले दुख भोग्नुपरेको हो । पटक पटक कोल्टी क्षेत्रमा पनि खानेपानीको चरम अभाव हुँदै आईरहेको छ । सुदुरपश्चिम  प्रदेशको पहाडी जिल्ला बाजुराको बुढिनन्दा नगर पालिका तथा एरपोर्ट हो बुढिनन्दा नगर पालिका वडा नं १ र २ का स्थानियबाशी र विभिन्न पालिका तथा विभिन्न जिल्लाबाट ब्यापारका लागि निकै गन्तव्य मानिने कोल्टी क्षेत्रका बासीले हिजोआज धितमर्ने गरी पानी पिउन पाएका छैनन् । यहाँ बसोबास गर्ने, होटेल व्यवसायी, विद्यार्थी, कर्मचारी र स्थानीयबासी खानेपानीको चरम समस्यामा छन् । बुढिनन्दा नगरपालिकाको वडा नं १को पिपलडाली दैंयाका धाराबाट  पानी बोकेर प्रयोग गर्नुपर्ने नागरिकको बाध्यता छ । नुहाउन तथा कपडा धुनका लागि  सेर्कोटी कुलो माझकुलोको पानीको प्रयोग हुन्थ्यो त्यो पनि गत हप्ताको २५ गतेको अबिरल बर्षाले गर्दा कुलो भत्किएर पानी छैन । सबैभन्दा धेरै समस्या त कक्षा १२ को परीक्षा चलिरहेको छ।परीक्षा दिने र  पढ्नका लागि आएका विद्यार्थीलाई अझ समस्या भएको बताउनुभयो । पढ्ने र खाना पकाउने समयमा पानी लिन धेरै टाढाका धारामा लाइन बस्नुपरेको विद्यार्थीहरू बताउँछन् । कोल्टी तल्लो बजार स्थित बुढिनन्दा बोर्डिङ स्कुल नजिकैको ट्याङ्कीबाट बजारका  व्यक्तिहरूले मनोमानी ढङ्गबाट ट्याङ्की भित्र फोहोर खुट्टा पानीमा डुबाई लेबुल पाइप ट्याङ्की भित्रबाट जोडेर घरघरमा लिदा अरुलाई समस्या भएको स्थानीय बाशी बताउँ छ्न । नगरपालिकाले यो पटक गत हप्ताको २५ गते परेको अबिरल बर्षाका कारण खानेपानीको समस्या भएको जनाएको छ।