841 पटक पढिएको
बाजुराः नेकपा एमाले प्रदेश कमिटि सदस्य भरत बहादुर बुढाले एमाले प्रदेश कमिटि सदस्य पदबाट राजिनामा दिएका छन् । उनले आज एक प्रेस बिज्ञप्ती मार्फत प्रदेश कमिटि सदस्य बाट राजिनामा दिएको सबैमा जानकारी गराएका छन् । नेकपा एमाले पार्टीमा रहि पार्टीले तोकेका जिम्बेवारी बहन गर्दागर्दे पनि बिभिन्न समयमा आफ्नो ब्यक्तिगत तथा सामाजिक जीवनमा दखल पुर्याउने गरी पार्टी नेतृत्वबाट निराधार आरोप लगाइएका कारण आफुले नेकपा एमाले पार्टीको साधारण् सदस्य समेत नरहने गरी नेकपा एमाले प्रदेश कमिटी सदस्य पदबाट राजीनामा दिएको प्रेस बिज्ञप्ती मार्फत भनेका छन् ।
बाजुरेली नागरीकको मुहार फेर्न बिकासमा समृद्धि ल्याउन,सुशासन कायम गर्न ,जवाफदेहि उत्तरदायित्व बहन गर्दे राजनितिक यात्रा थालनी गरेको थिए । नेकपा माओवादीले थालनी गरेको १० बर्षे जनयुद्धमा एउटा कुसल पार्टी सिपाहीको रुपमा काम गर्दे आएको सबैलाई अवगत नै छ । देश र जनताको हितका लागी लामो समयसम्म बिभिन्न तह र तप्कामा रहि कम्युनिष्ट आन्दोलनलाई सार्थक बनाउन आफु सधै लागी परेको थिए । नेपाली जनताको लामो संर्घस पश्चात २०६२/६३ को जनआन्दोलन पछि प्राप्त भएको संघिय लोकतान्त्रिक पद्धतिलाई आत्मसाथ गर्दे गर्विलो इतिहास बोकेका दुई कम्युनिष्ट पाटी एमाले र माओवादी केन्द्रको एकिकरण पश्चात आफु नेकपाको जिल्ला कमिटी सचिव हुुदै नेकपा एमाले पार्टी सचिव र नेकपा एमाले जिल्ला कमिटी उपाअध्यक्षको हैसियलतले आफ्नो जिम्बेवारी सम्पन्न गरे तर पनि पार्टीको लागी आफुले राम्रो गर्दागर्दे पनि एमालेका पार्टीबाट आफुलाई निराधार आरोप लगाइयो,बिभिन्न लाल्छना लगाउने प्रवृतिको हाबी भयो,त्यसकारण वाक्क दिक्क भएर राजिनामी बुझाउनु पर्यो उनले बिज्ञप्ती मार्फत लेखेका छन् ।
एमाले पार्टीको नेतृत्व तह समग्र बिकाश निमार्ण तथा समृद्ध बाजुराको परिकल्पनामा लाग्नु साटो ब्यक्तिगत स्वार्थ,नाताबाद,कृपावाद,र अधिनायकबाद तर्फ पार्टी उन्मुख भयो,सोझासाझा कार्यकर्तालाई प्रयोग गरी ढुंगा मुडा ,गुण्डागर्दी गराउने गरेको बेरोजगार युवा,युवती नेताहरुलाई बेबास्ता गर्दे नेकपा एमालेका नेताहरु निजि स्वार्थमा लुब्ध भएको कारण अन्ततह नेकपा एमाले पार्टी नितिगत भन्दा नेतागत रुपमा परिचालन भएको र निति बिधि,बिधान र कम्युनिष्टको सिद्धान्त बिपरीत क्रियाकलाप भईरहेको हुँदा आफुले नेकपा एमाले पार्टीको साधारण सदस्य समेत नरहने गरी आजकै दिनबाट नेकपा एमाले प्रदेश कमिटी सदस्य पदबाट राजीनामा दिइएको र स्वतन्त जिवन बिताउने बिज्ञप्ती मार्फत भनेका छन् ।
बिज्ञप्ती यहाँ रहेको छ …
