76 पटक पढिएको
बाजुरा: रारा शैक्षिक भ्रमणका लागी निस्केकाे बाेलेराे जिप दुर्घटना भएको छ । आज बिहान मुगुको खत्याड गाउँपालिका वडा नं २ जाम हिलटपमा उक्त जीप दुर्घटना हुँदा १४ जना घाइते भएका छन् ।मुगु जिल्लामा रहेकाे नेपालकाे सबैभन्दा ठुलाे ताल रारा तालकाे भ्रमणको लागी निस्केको ग १ ज ८२४९ नम्बरको जीप दुर्घटना भएको बताईएकाे छ ।
जिल्लाकाे बुढीनन्दा नगरपालिका वडा नं २ कोल्टीमा रहेको जन प्रकाश माध्यामिक विद्यालयमा कक्षा १० मा अध्ययनरत विद्यार्थीहरु चढेको जीप दुर्घटना हुँदा शिक्षक र विद्यार्थी घाइते भएका हुन् । घाइते हुनेमा विद्यार्थी सर्मिला साहानी, लक्ष्मी रोकाया, प्रियाङ्का गिरी, ज्योती रोकाया, दिपीका रावत, विमला विष्ट, निशा दमाई, पशुपति बोहोरा, करुणा महत, सुरज शाही, रेजिना कार्की, शिक्षिका सुशिला गिरी, निर्मला भण्डारी र जीप चालक लाल बहादुर भण्डारी गरी ११ जना विद्यार्थी, २ जना शिक्षिका र १ जीप चालक रहेका छन्।
जिप दुर्घटना भई करिब ३० मिटर तल खसेकाे हाे । घाइते विद्यार्थी, शिक्षिका र चालकको खत्याड गाउँपालिका वडा नं ११ मा रहेको प्राथमिक स्वास्थ्य केन्द्र रातापानीमा उपचार भैरहेको छ । घाइते सबैको अवस्था मध्यम रहेकाे छ । जीप दुर्घटनामा परेका घाइतेहरुकाे हात, खुट्टा, टाउको, ढाड लगायत शरीरका विभिन्न अंगमा चोट लागेको छ।
प्रतिक्रिया
सम्बन्धित खवर
