196 पटक पढिएको
बाजुरा— जिल्ला कारागारमा कैदिहरु बिच बिवाद हुँदा एक जना कैदी माथि कुटपिट भएको छ । जिल्ला कारागार बाजुरामा कैद भुक्तान गरिरहेका त्रिवेणी नगरपालिका ९ का तुलाराम थापा माथि कुटपिट भएको हो । आइतबार बिहान मात्र सामान्य भनाभनमै कैदीहरुको एक समुहबाटै उनि कुटपिट भएका छन ।
जेल भित्र रहेका करिब १०।१२ जना कैदीको समूह मिलेर आइतबार बिहान उनलाई बिना कारण निर्घात कुटपिट भएको पिडीतले बताएका छन । “म पहिले बाजुरा थिए फेरि डडेल्धुराबाट बाजुरा कारागार आएको ४ महिना भयो, म माथि पटकपटक धम्की आइरहन्थ्यो तर निर्घात कुटपिट भएको यो पहिलो घटना हो पिडित थापाले गुनासाे गरेका छन्।” कुटपिटपछि शरीरको पिठ्यु , हात, घाटीमा चोट लागेको बताएका छन् ।
आफुले कुनै गल्ती नगर्दा पनि एक आपसमा समूह बनाएर कुटपिट गरेको पिडित थापाले आरोप लगाएका छन् । आफूमाथि कुटपिटको घटना सामान्य अवस्था भएपछि मात्रै कारागारको आन्तरिक प्रशासन आएर मिल्नुपर्छ भन्ने कुरा गरेको बताए ।जेलभित्र आफूमाथि कैदीबाटै निर्घात कुटपिट हुदाँसम्म पनि अहिलेसम्म उपचार पनि गर्न नपाएकोे र न्यायको लागि कारागार प्रसाशनसँग हारगुहार गर्दापनि वास्ता नगरेको आरोप पिडित कैदी थापाले लगाएका छन् । आफूमाथि कुटपिट हुँदा कारागारले वास्ता नगरेपनि न्यायका लागि कानुनी प्रक्रियामा जाने उनले बताए । आफूमाथि भएको कुटपिटको घटनापछि आफूले तत्काल उपचार गर्न पाउनुपर्ने र कुटपिट गर्नेमाथि कारवाहीको माग पिडित कैदी थापाले गरेका छन् । पछिल्लो समय जेलभित्र कामजोरलाई हेप्ने,मनोमानी गर्ने तथा अनैतिक क्रियाकलाप हुने गरेको आरोप कैदी थापाले लगाएका छन् ।
यस बिषयमा बाजुरा कारागारका निमित्त जेलर हंस बहादुर बोहराले कुटपिटको घटनामा आफूलाई कुनै जानकारी नभएको र कारागार प्रशासनमा अहिलेसम्म कुनै निवेदन पनि नआएको बताएका छन् । घटनाको बारेमा आफूले बुझेर छानविन हुने जेलर बोहराले बताए ।
यता प्रमुख जिल्ला अधिकारी भीमकान्त पौडेलले कुनै जानकारी नआएकाले घटना बुझ्ने बताएका छन् ।
प्रतिक्रिया
सम्बन्धित खवर
