299 पटक पढिएको
बाजुराः जिल्ला कृषि ज्ञान केन्द्र बाजुराले केरा खेती क्षेत्र बिस्तार कार्यकम्रमको लागी कृषक महानभावहरुमा निवेदन पेश गर्न आग्रह गरेको छ ।ज्ञान केन्द्र बाजुराले एक सूचना जारी गर्दे निवेदन पेश गर्न भनेको हो ।
आर्थिक बर्ष २०८० / ८१ को स्वीकृत कार्यक्रम अनुसार बाजुरा जिल्लाको साँफे-मार्तडी ,कोल्टी- कवाडी सडकखण्ड, कर्णली -करिडोर सडकखण्ड तथा बिभिन्न शाखा सडकको छेउछाउ र अन्य केरा खेती हुने स्थानमा स्थानीय केरा खेती लाई प्रर्वद्धन गर्ने उदेश्यका साथ कार्यक्रम सञ्चालन गरीने हुँदा केरा खेती गर्न चाहने कृषकलाई कार्यालयले सूचना मार्फत निबदेन पेश गर्न भनेको हो ।
न्युनतम ५० बोट स्थानीय केरा रोप्ने कृषकलाई अधिकतम प्रतिबोट रु. ३० का दरले केरा रोपे वापत नगद अनुदान उपलब्ध गराउने पनि कार्यक्रम रहेकोले स्थानीय केरा रोपेका र रोप्न चाहने कृषकले यहि जेठ २७ गतेसम्म जिल्ला कृषि ज्ञान केन्द्र वा आफ्नो पालिकाको कृषि विकाश शाखामा निवेदन पेश गर्न भनेको छ ।
निवेदन पेश गर्दा कार्यालयले तोकेको ढाँचामा रु. १० को टिकट सहितको निवेदन,नेपाली नागरीकताको प्रमाणपत्रको प्रतिलिपि,केरा रोपेकाहरुले केरा रोपेको फोटा,नाम खाता नम्बर स्पस्ट बुझिने बैंक भित्री पानाको प्रतिलिपि,र रोपेको केराको बोट संख्या खुल्ने सम्बन्धित वडा कार्यालय वा कृषि शाखाको सिफारिस पेश गर्न निमित्त कार्यालय प्रमुख भूमिराज उपाध्यायले हस्ताक्षेरित गरेको सूचनामा भनिएको छ ।
सूचना यहाँ रहेको छ ….
